scorecardresearch
Latest News

‘ആ കഷണ്ടിത്തലയില്‍ ഒരു നൂറുമ്മ’; ഭര്‍ത്താവിനുളളിലെ കാമുകന്‍ ഉണര്‍ന്നപ്പോള്‍ പിറന്നത് തകര്‍പ്പന്‍ ഡാന്‍സ്

തന്റെ ഭാര്യയേയും വേദിയില്‍ നിര്‍ത്തിക്കൊണ്ടാണ് ഇദ്ദേഹത്തിന്റെ തകര്‍പ്പന്‍ ഡാന്‍സ്

‘ആ കഷണ്ടിത്തലയില്‍ ഒരു നൂറുമ്മ’; ഭര്‍ത്താവിനുളളിലെ കാമുകന്‍ ഉണര്‍ന്നപ്പോള്‍ പിറന്നത് തകര്‍പ്പന്‍ ഡാന്‍സ്

ലോകത്ത് എവിടേയും കാണാന്‍ കഴിയാത്ത നൃത്തച്ചുവടുകളായിരിക്കും ചില വിവാഹച്ചടങ്ങുകളില്‍ നമുക്ക് കാണാന്‍ കഴിയുക. വിവാഹിതരാവുന്നവരുടെ ബന്ധുക്കളും സുഹൃത്തുക്കളുമൊക്കെ പരിസരം മറന്നങ്ങ് ആടും. എന്നാല്‍ പുതുതായി വൈറലായി മാറിയ ഒരു വീഡിയോ വെറുതെ അങ്ങ് നൃത്തം ചെയ്ത ദൃശ്യങ്ങള്‍ അടങ്ങിയതല്ല. ഗോവിന്ദയുടെ ചുവടുകളെ അതേപടി അവതരിപ്പിക്കുകയാണ് ഒരു മധ്യവയസ്കന്‍. തന്റെ ഭാര്യയേയും വേദിയില്‍ നിര്‍ത്തിക്കൊണ്ടാണ് ഇദ്ദേഹത്തിന്റെ തകര്‍പ്പന്‍ ഡാന്‍സ്.

വ്യാഴാഴ്‌ചയാണ് വീഡിയോ വൈറലായി മാറിയത്. ഒരു വിവാഹവേദിയാണെന്ന് തോന്നിക്കുന്നയിടത്ത് നിന്നാണ് വീഡിയോ പകര്‍ത്തിയിരിക്കുന്നത്. ഗാനം ആരംഭിക്കുന്നതോടെ മനോഹരമായ ചുവടുവയ്‌പോടെയാണ് മധ്യവയസ്കന്‍ ആളുകളെ കൈയ്യിലെടുത്തത്. ഭാര്യയ്ക്ക് മുമ്പില്‍ ഗംഭീരമായി നൃത്തം ചെയ്യുന്ന ഇദ്ദേഹത്തെ കരഘോഷത്തോടെയാണ് കാഴ്‌ചക്കാര്‍ പ്രോത്സാഹിപ്പിക്കുന്നത്.

ഗോവിന്ദ നായകനായ ‘ഗുദ്ഗര്‍സ്’ എന്ന ചിത്രത്തിലെ ‘ആപ്കെ ആ ജാനെ സെ’ എന്ന ഗാനത്തിനാണ് ഇദ്ദേഹം ചുവടുവയ്‌ക്കുന്നത്. ഇത് എവിടെ നിന്നാണ് ചിത്രീകരിച്ചിരിക്കുന്നതെന്ന് വ്യക്തമല്ലെങ്കിലും വീഡിയോ വ്യാപകമായി ഷെയര്‍ ചെയ്യപ്പെട്ടു. ‘കഷണ്ടിത്തലയില്‍ ഒരു നൂറുമ്മയെന്ന് ഒരാള്‍ ട്വിറ്ററില്‍ കുറിച്ചു. ഈ അങ്കിളിനെ പോലൊരു ഭര്‍ത്താവിനെയാണ് താന്‍ തേടുന്നതെന്നാണ് ഒരു പെണ്‍കുട്ടി ട്വീറ്റ് ചെയ്തത്.

Stay updated with the latest news headlines and all the latest Social news download Indian Express Malayalam App.

Web Title: Dance like no ones watching mans dance is viral now