തകർപ്പൻ ഡാൻസുമായി പടക്കം ബഷീർ; വൈറലായി വീഡിയോ

മോഹൻലാലിനെ നായകനാക്കി അൻവർ റഷീദ് സംവിധാനം ചെയ്ത സൂപ്പർഹിറ്റ് ചിത്രമാണ് 2007ൽ പുറത്തിറങ്ങിയ 'ഛോട്ടാ മുംബൈ'. തലയായി മോഹൻലാലും നടേശനായി കലാഭവൻ മണിയുമെല്ലാം നിറഞ്ഞാടിയ ചിത്രം കഴിഞ്ഞ വർഷം റീ- റിലീസായും തിയേറ്ററുകളിൽ എത്തിയിരുന്നു.

ആക്ഷന്‍- കോമഡി എന്റർടെയ്നറായെത്തിയ ചിത്രത്തിൽ 'പടക്കം ബഷീർ' എന്ന കഥാപാത്രമായി മലയാളത്തിന്റെ ഹാസ്യ സാമ്രാട്ട് ജഗതി ശ്രീകുമാറും തകർത്ത് അഭിനയിച്ചിരുന്നു. ഡയലോഗുകൾക്കൊണ്ടും ലുക്കുകൊണ്ടും പ്രേക്ഷകരുടെ മനസ്സിൽ ഇടം നേടിയ പടക്കം ബഷീർ ഇപ്പോൾ വീണ്ടും പ്രേക്ഷകർക്കു മുന്നിലേക്കെത്തുകയാണ്.

Also Read: 'ആ അവിശ്വസനീയ തിരിച്ചുവരവിന് നമുക്ക് കാത്തിരിക്കാം'; കണ്ണു നനയിച്ച് മലയാളത്തിന്റെ ഹാസ്യ സാമ്രാട്ട്; വീഡിയോ

View this post on Instagram

A post shared by Ai Gigs (@aigigs10)

എഐ ഉപയോഗിച്ച് സൃഷ്ടിച്ച പടക്കം ബഷീറിന്റെ ഒരു തകർപ്പൻ ഡാൻസ് വീഡിയോ ആണ് സോഷ്യൽ മീഡിയയിൽ കൈയ്യടി നേടുന്നത്. "aigigs10" എന്ന അക്കൗണ്ടാണ് വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. നിരവധി കാഴ്ചകളും ലൈക്കുകളുമാണ് വീഡിയോയ്ക്കു ലഭിക്കുന്നത്.

Also Read: പിള്ളേച്ചാ... പുരുഷു കാണേണ്ട; വൈറൽ വീഡിയോയിൽ കമന്റുമായി നടി ഗായത്രി വർഷയും

അപകടത്തെ തുടർന്ന് ഏറെക്കാലമായി അഭിനയത്തിൽ നിന്നും മാറി നിൽക്കുകയാണ് ജഗതി ശ്രീകുമാർ. ഇപ്പോഴും അദ്ദേഹം പൂര്‍ണാരോഗ്യം വീണ്ടെടുത്തിട്ടില്ല. 2022ൽ പുറത്തിറങ്ങിയ 'സിബിഐ5- ദ ബ്രെയ്ൻ' എന്ന ചിത്രത്തിലെ നിർണായകമായൊരു രംഗത്തിൽ ജഗതി അഭിനയിച്ചിരുന്നു. അരുണ്‍ ചന്തുവിന്റെ സംവിധാനത്തിൽ ഒരുങ്ങുന്ന 'വല' എന്ന ചിത്രത്തിലും ജഗതി ശ്രീകുമാർ അഭിനയിച്ചിട്ടുണ്ട്. പ്രൊഫസര്‍ അമ്പിളി അഥവാ അങ്കില്‍ ലൂണ.ആര്‍ എന്ന കഥാപാത്രമായാണ് ജഗതി ചിത്രത്തിലെത്തുന്നത്.

Read More: അല്ലിയുടെ വിവാഹം മുടങ്ങി; മാടമ്പള്ളിയിൽ പിന്നെ സംഭവിച്ചത് എന്ത്?