അമ്മയോട് പിണങ്ങിയ കുറുമ്പിക്ക് ചോറ് വാരിക്കൊടുക്കുന്ന ചേട്ടൻ; മലയാളികളുടെ മനസ്സ് തൊട്ട വീഡിയോ

എല്ലാവരും ജീവിതത്തിൽ ഏറ്റവും ഇഷ്ടപ്പെടുന്ന കാലമായിരിക്കും കുട്ടിക്കാലം. വീണ്ടും ആ കാലത്തേക്ക് പോകാൻ ആഗ്രഹമുള്ളവർ നിരവധിയായിരിക്കും. കൂട്ടുകാരുമൊത്ത് കഴിച്ചു നടന്ന മറ്റു ടെൻഷനുകളോ ഒന്നും ഇല്ലാതിരുന്ന കാലം ഒന്നുകൂടെ വന്നിരുന്നെങ്കിൽ എന്ന് ആരും ആഗ്രഹിച്ച് പോകും.

നമ്മുടെയൊക്കെ കുട്ടിക്കാലത്തെ ഓർമിപ്പിക്കുന്ന അത്തരമൊരു വീഡിയോയാണ് ഇപ്പോൾ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. ഒരു ചേട്ടന്റെ അനിയത്തിയോടുള്ള സ്നേഹവും വാത്സല്യവുമാണ് വീഡിയോയില്‍ കാണുന്നത്.

എന്തൊ കുസൃതി ഒപ്പിച്ച് അമ്മയോട് പിണങ്ങിയിരിക്കുകയാണ് അനിയത്തികുട്ടി. അവൾക്ക് ഭക്ഷണം വാരികൊടുക്കുന്ന ചേട്ടൻ എന്നിവരാണ് വീഡിയോയിൽ ഉള്ളത്. കുട്ടികളുടെ അമ്മയാണ് ഇത് എടുത്തിരിക്കുന്നത്. അമ്മമാര്‍ കുഞ്ഞുങ്ങള്‍ക്ക് ഭക്ഷണം വാരികൊടുക്കുന്ന പോലെ ശ്രദ്ധിച്ചാണ് ചേട്ടനും ചെയ്യുന്നത്.

അമ്മ വീഡിയോ എടുക്കുന്നത് കണ്ട് അവന്‍ നിഷ്‌കളങ്കമായി ചിരിക്കുന്നതും അനിയത്തിക്കുട്ടിയുടെ കള്ളക്കരച്ചിലുമെല്ലാം വീഡിയോയില്‍ കാണാം. സ്‌നേഹ വിഷ്ണു എന്ന ഇന്‍സ്റ്റഗ്രാം അക്കൗണ്ടിലാണ് ഈ വീഡിയോ വന്നിരിക്കുന്നത്. ഒരു ലക്ഷത്തിലധികം ആളുകൾ ലൈക്ക് ചെയ്തിട്ടുണ്ട്.