സൂര്യന് ചുറ്റും ഒരു മഴവില്ലുപോലുള്ള പ്രകാശവലയം, അതാണ് ’22 ഡിഗ്രി സർക്കുലർ ഹാലോ,’ എന്ന അന്തരീക്ഷ പ്രതിഭാസം. ആ പ്രതിഭാസം ഇപ്പോൾ ദൃശ്യമായിരിക്കുന്നത് ബാംഗ്ലൂർ നഗരത്തിലാണ്. തിങ്കളാഴ്ച പകൽ 10.50ഓടെയാണ് ബാംഗ്ലുരിലുള്ളവർ ഈ പ്രതിഭാസത്തിന് സാക്ഷ്യം വഹിച്ചത്.
തിങ്കളാഴ്ച രാവിലെ കുറച്ചധികം സമയം സൂര്യനുചുറ്റും തിളങ്ങുന്ന മഴവില്ല് വളയം ആകാശത്ത് ദൃശ്യമായിരുന്നു. ഒരു മണിക്കൂറിലധികം ഈ പ്രതിഭാസം നീണ്ടു നിന്നു. ഈ സമയം പലരും അപൂർവ പ്രതിഭാസത്തിന്റെ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്തിരുന്നു.
The people in #Bengaluru witnessed a bright ring around the sun for a few minutes on Monday morning, a rare optical and atmospheric phenomenon called ‘22 degree circular halo’. @IndianExpress
— Express Bengaluru (@IEBengaluru) May 24, 2021
Express Photos by @DarshanDevaiahB pic.twitter.com/rOxSIxfOaf
സെലിബ്രിറ്റികളും രാഷ്ട്രീയക്കാരും അടക്കമുള്ളവരും പ്രഭാവലയത്തിന്റെ വ്യത്യസ്ത ചിത്രങ്ങൾ പങ്കുവച്ചു. ബെംഗളൂരു സെൻട്രൽ നിയോജകമണ്ഡലത്തിലെ ലോക്സഭാ അംഗം പി സി മോഹൻ സൺ ഹാലോയുടെ മൂന്ന് ഫോട്ടോകൾ ട്വിറ്ററിൽ ഷെയർ ചെയ്തു.
Stunning #SunHalo in #Bengaluru. pic.twitter.com/LuCBK5f7HO
— P C Mohan (@PCMohanMP) May 24, 2021
കന്നഡ നടിയായ സംയുക്ത ഹോർനാഡും പ്രഭാവലയത്തിന്റെ ചിത്രങ്ങൾ പങ്കുവച്ചിട്ടുണ്ട്. “ഒരു മഴവില്ല് പോലുള്ള ഒരു പ്രഭാവലയം ഇപ്പോൾ സൂര്യനുചുറ്റും ഒരു വൃത്തം തീർത്തിരിക്കുന്നു. അതിനെ മാജിക്കെന്ന് വിളിക്കണോ യാഥാർത്ഥ്യമെന്ന് വിളിക്കണോ,” സംയുക്തയുടെ ട്വീറ്റിൽ പറയുന്നു.
A rainbow-like halo has encircled the sun in a perfect circle right now.
— Samyukta Hornad (@samyuktahornad) May 24, 2021
Call it magic, call it true 🙂
The phenomenon is called a halo n happens because of light interacting with ice crystals in the atmosphere. Owing to its radius around the sun
☀️ 🌈 ⛅️ 😇#Bangalore #Sun 🤍 pic.twitter.com/QVnM44y1rS
പൊതുവെ 22 ഡിഗ്രീ സർക്കുലർ ഹാലോ എന്ന് അറിയപ്പെടുന്ന, സുര്യനോ ചന്ദ്രനോ ചുറ്റും പ്രഭാവലയം കാണുന്ന ഈ പ്രതിഭാസം കാണപ്പെടുന്നത് പൊതുവെ മേഘങ്ങളിലെ അഷ്ടഭുജാകൃതിയിലുള്ള ഐസ് പരലുകളിൽ സൂര്യന്റേയോ ചന്ദ്രന്റേയോ പ്രകാശ കിരണങ്ങൾ തട്ടിച്ചിതറുമ്പോഴാണ്. മൂൺ റിങ്, വിന്റർ ഹാലോ തുടങ്ങിയ പേരുകളിലും ഈ പ്രതിഭാസം അറിയപ്പെടുന്നു.
Read More: അമ്മയെക്കുറിച്ചുള്ള ഓർമകളാണ് ആ ഫോണിൽ; ഒന്നു കണ്ടെത്താമോ; അപേക്ഷയുമായി ഒമ്പത് വയസ്സുകാരി
