പ്രായം വെറും നമ്പറല്ലെ മക്കളെ! 68-ാം വയസില്‍ ജിമ്മിലെത്തി അഭ്യാസങ്ങളുമായി വയോധിക; വീഡിയോ

ന്യൂഡല്‍ഹി: നമുക്ക് ഇഷ്ടമുള്ള കാര്യങ്ങള്‍ ചെയ്യാന്‍ പ്രായവും കാലവും നോക്കേണ്ടതില്ല. എല്ലാവരും പ്രായം വെറും അക്കങ്ങള്‍ മാത്രമാണെന്ന് പറയുമെങ്കിലും അത് പ്രാവര്‍ത്തികമാക്കുന്ന ചുരുക്കം ചിലര്‍ മാത്രമാണുള്ളത്.

68-ാം വയസില്‍ ശാരീരിക ക്ഷമത വീണ്ടെടുക്കുന്നതിനായി ജിമ്മിലെത്തിയ വയോധികയുടെ വീഡിയോയാണ് ഇപ്പോള്‍ സമൂഹ മാധ്യമങ്ങളില്‍ വൈറലാകുന്നത്.

തന്റെ മകന്‍ അജയ് സാങ്വാനൊപ്പമാണ് വയോധിക ജിമ്മിലെത്തിയത്. weightliftermummy എന്ന ഇന്‍സ്റ്റഗ്രാം അക്കൗണ്ടിലൂടെയാണ് വീഡിയോ പങ്കുവച്ചിരിക്കുന്നത്. വളരെ കഠിനമേറിയ വ്യായാമങ്ങളാണ് വയോധിക ചെയ്യുന്നത്.

ഫെബ്രുവരിയിൽ കാൽമുട്ടുകളിൽ സന്ധിവാതം ബാധിച്ചതും നടുവിന് പരിക്കേറ്റതും നടക്കാൻ ബുദ്ധിമുട്ടായതും എങ്ങനെയെന്ന് അവർ ഒരു വീഡിയോയിലൂടെ പങ്കുവച്ചിരുന്നു. എന്നാൽ ജൂലൈയിൽ ജിമ്മിലെത്തി അവര്‍ വ്യായാമം ചെയ്യാന്‍ ആരംഭിച്ചു.

വയോധികയെ അഭിനന്ദനം അറിയിച്ചുകൊണ്ട് നിരവധി കമന്റുകളും വീഡിയോയ്ക്ക് താഴെ വന്നിട്ടുണ്ട്.