Latest News

‘ഗോൾ അടിക്കല്ലേ മെസ്സിയേ, മാവൂരിലെ ചെക്കമ്മാര് സൊയ്‌ര്യം തരില്ല’

കളിച്ച മെസിയല്ല, ഗ്യാലറിയിൽ ഇരുന്ന് ആർത്തു വിളിച്ച മലയാളിയാണ് സോഷ്യൽ മീഡിയയിലെ താരം

Argentina, അർജന്റീന, Brazil, ബ്രസീൽ, Super Classico, സൂപ്പർ ക്ലാസിക്കോ, messi, മെസ്സി, football, ഫുട്ബോൾ, iemalayalam, ഐഇ മലയാളം

സൂപ്പർ ക്ലാസിക്കോയിൽ ബ്രസീലിനെ വീഴ്ത്തി അർജന്റീന കിരീടം നേടിയപ്പോൾ ഗ്യാലറിയിലിരുന്ന് ഗോൾ അടിക്കല്ലേ മെസ്സിയേ എന്ന് വിളിച്ച് പറഞ്ഞ ഒരു മലയാളിയുടെ വീഡിയോ ആണ് സോഷ്യൽ മീഡിയയിൽ ചിരി പടർത്തുന്നത്. പതിനാലാം മിനുട്ടിൽ മെസി എടുത്ത പെനാൽറ്റി കിക്ക് ബ്രസീൽ ഗോളി അലിസൺ തടഞ്ഞെങ്കിലും റീബൗണ്ടിലൂടെ മെസി ഗോൾ ഉറപ്പാക്കി. ഈ സമയത്താണ് ‘ഗോൾ അടിക്കല്ല മെസ്സിയേ, മാവൂരിലെ ചെക്കമ്മാര് സൊയ്‌ര്യം തരില്ല മെസ്സിയേ’ എന്ന് വിളി വരുന്നത്.

Read More: കടലിന് നടുവിൽവച്ച് പ്രണയം പറഞ്ഞു, ഒടുവിൽ സംഭവിച്ചത്

സൗദി അറേബ്യ മലബാറി എന്ന ഫെയ്സ്ബുക്കിൽ പോസ്റ്റ് ചെയ്ത ഈ വീഡിയോ കണ്ടാൽ ആരും ചിരിക്കും. കോഴിക്കോട് ജില്ലയിലെ മാവൂരാണ് ഇദ്ദേഹത്തിന്റെ സ്വദേശം എന്ന് ഇതിൽ നിന്നും ഊഹിക്കാം.

സൗദി അറേബ്യയിലെ റിയാദിൽ നടന്ന മത്സരത്തിൽ എതിരില്ലാത്ത ഒരു ഗോളിനാണ് അർജന്‍റീനയുടെ ജയം. വിലക്കിന് ശേഷം തിരിച്ചെത്തിയ നായകൻ ലിയോണൽ മെസിയാണ് അർജന്‍റീനയുടെ ഗോൾ നേടിയത്. റിയാദിലെ കിംഗ് സൗദ് സ്‌റ്റേഡിയത്തിലാണ് മത്സരം നടന്നത്.

പത്താം മിനുട്ടിൽ ബ്രസീലിന് കിട്ടിയ പെനാൽറ്റി ഗബ്രിയേൽ ജിസ്യൂസ് പാഴാക്കി. പെനാല്‍റ്റി പാഴാക്കിയതാണ് ബ്രസീലിന് വിനയായത്. ഗബ്രിയേല്‍ ജീസസ് എടുത്ത കിക്ക് പോസ്റ്റിനു പുറത്തേക്ക് പോവുകയായിരുന്നു. നെയ്മറില്ലാതെയാണ് ബ്രസീല്‍ കളിക്കാനിറങ്ങിയത്.

ബ്രസീൽ ഗോളി അലിസൺ മികച്ച സേവുകളുമായി മത്സരത്തിൽ തിളങ്ങി. മത്സരത്തിലുടനീളം മുന്നിട്ടു നിന്നത് ബ്രസീലാണെങ്കിലും കിട്ടിയ അവസരം അർജൻ്റീന ഗോളാക്കി മാറ്റുകയായിരുന്നു. കഴിഞ്ഞ കോപ്പ അമേരിക്കയിൽ ബ്രസീലിനോട് തോറ്റ് പുറത്തായതിനുള്ള മധുര പ്രതികാരം കൂടിയാണ് അർജന്‍റീനയുടെ ഈ നേട്ടം.

റിയാദ് സീസണ്‍ ഫെസ്റ്റിവലിന്റെ ഭാഗമായാണ് ബ്രസീല്‍ – അര്‍ജന്റീന സൌഹൃദ ഫുട്ബോള്‍ മത്സരം. കഴിഞ്ഞ തവണ സൗദിയില്‍ നടന്ന മത്സരത്തില്‍ ബ്രസീലിനായിരുന്നു ജയം. ഇരുപത്തിയയ്യായിരം സീറ്റുകളുള്ള സ്റ്റേഡിയത്തിലേക്കുള്ള ടിക്കറ്റുകള്‍ വില്‍പന തുടങ്ങി രണ്ടാം ദിനം വിറ്റുപോയിരുന്നു.

Web Title: Argentina beat brazil in superclasico football fan video from gallery

Next Story
കടലിന് നടുവിൽവച്ച് പ്രണയം പറഞ്ഞു, ഒടുവിൽ സംഭവിച്ചത്proposal, പ്രണയാഭ്യർഥന, proposal gone wrong, വിവാഹാഭ്യർഥന, proposal moment bloopers, trending story, trending, viral proposal photos, proposal photos, Hawaii, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express