ന്യൂഡൽഹിയിലെ ഹോട്ടൽ താജ് പാലസിൽ നടന്ന വിരാട് കോഹ്‌ലി-അനുഷ്ക ശർമ വിവാഹ വിരുന്ന് വർണാഭമായിരുന്നു. സബ്യാസാചി ഡിസൈൻ ചെയ്ത വസ്ത്രങ്ങൾ അണിഞ്ഞാണ് ഇരുവരും റിസപ്ഷന് എത്തിയത്. കോഹ്‌ലിയുടെയും അനുഷ്കയുടെയും കുടുംബങ്ങളെ കൂടാതെ പ്രധാനമന്ത്രി നരേന്ദ്ര മോദി, ക്രിക്കറ്റ് താരങ്ങളായ സുരേഷ് റെയ്ന, ശിഖർ ധവാൻ, ഗൗതം ഗംഭീർ എന്നിവരും വിരുന്നിൽ പങ്കെടുത്തു.

പഞ്ചാബി ഗായകൻ ഗുർദാസ് മാന്റെ ഗാനാലാപനം വിരുന്നിനെ കൂടുതൽ മനോഹരമാക്കി. പഞ്ചാബി ഗാനങ്ങളുടെ ഇഷ്ടക്കാരനായ കോഹ്‌ലി വിരുന്നിനിടയിൽ മതിമറന്ന് നൃത്തം ചെയ്യുകയും ചെയ്തു. കോഹ്‌ലിക്കൊപ്പം ഭാര്യ അനുഷ്ക ശർമയും നൃത്തം വച്ചു. ഇതിന്റെ വിഡിയോ സോഷ്യൽമീഡിയയിൽ വൈറലാണ്.

ഡിസംബർ 11 നായിരുന്നു കോഹ്‌ലി-അനുഷ്ക വിവാഹം. ഏറെ നാളത്തെ പ്രണയത്തിനുശേഷമാണ് കോഹ്‌ലിയും അനുഷ്കയും വിവാഹിതരായത്. ഇറ്റലിയിലെ മിലാനിലെ ആഡംബര റിസോർട്ടിൽ വച്ച് പാരമ്പര്യ രീതിയിലായിരുന്നു കോഹ്‌ലി-അനുഷ്ക വിവാഹം നടന്നത്. അടുത്ത ബന്ധുക്കളും സുഹൃത്തുക്കളും അടക്കം ചുരുക്കം ചിലർക്കേ വിവാഹത്തിന് ക്ഷണമുണ്ടായിരുന്നുളളൂ.

Get Malayalam News and latest news update from India and around the world. Stay updated with today's latest Social news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ