ന്യൂഡൽഹി: ഓൺലൈൻ തമാശ ഗ്രൂപ്പായ എ.ഐ.ബിയുടെ സഹ സ്ഥാപകൻ തൻമയി ഭട്ടിന് പിന്തുണയുമായി കോൺഗ്രസ് നേതാവും തിരുവനന്തപുരം എംപിയുമായ ശശിതരൂരും തൃണമൂൽ കോൺഗ്രസ് എം.പി ഡെറിക് ഒബ്രയനും രംഗത്ത്. സ്നാപ്ചാറ്റിലൂടെ നായയുടെ മുഖം നൽകിയ പ്രധാനമന്ത്രി നരേന്ദ്രമോദിയുടെ ചിത്രം തൻമയി പോസ്റ്റ് ചെയ്തത് വിവാദമായിരുന്നു. ഇതിന്റെ പേരിൽ ഇവർക്കെതിരെ പോലീസ് കേസ് രജിസ്റ്റർ ചെയ്യുകയും ചെയ്തിരുന്നു.
സംഭവം തമാശയായാണ് ശശി തരൂർ സ്വീകരിച്ചത്. എ.ഐ.ബിയുടെ അഭിപ്രായ സ്വാതന്ത്ര്യത്തെ തരൂർ അംഗീകരിച്ചുകൊണ്ട് സ്വന്തം ഫോട്ടോ ട്വിറ്ററിൽ തരൂർ തന്നെ പോസ്റ്റ് ചെയ്ത ശേഷം, എല്ലാ ട്രോളൻമാരോടും കൂടെ, താൻ ഡോഗ്ഫിൽട്ടർ ചലഞ്ച് ഏറ്റെടുത്തിരിക്കുന്നുവെന്നും രേഖപ്പെടുത്തി.
Attn all trolls: I took the #DogFilter challenge! @AllIndiaBakchod pic.twitter.com/0lmClCS7CF
— Shashi Tharoor (@ShashiTharoor) July 15, 2017
വാരാന്ത്യത്തിൽ കുറച്ച് തമാശയാകാം എന്ന അടിക്കുറിപ്പോടെ ഡെറികും സ്നാപ്ചാറ്റ് ചിത്രം ഇൻസ്റ്റഗ്രാമിൽ പോസ്റ്റ് ചെയ്തു. നേരത്തെ, സചിന്റെയും ലതാ മങ്കേഷ്കറിന്റെയും ചിത്രങ്ങളും ഇത്തരത്തിൽ തൻമയി പോസ്റ്റ് ചെയ്തത് വിവാദമായിരുന്നു.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook