ലാലേട്ടന്റെ കൈയ്‌ക്ക് എന്തുപറ്റി? ചര്‍ച്ചയാക്കി സോഷ്യല്‍ മീഡിയ

മോഹന്‍ലാല്‍-ജിത്തു ജോസഫ് കൂട്ടുക്കെട്ടില്‍ പുതിയൊരു സിനിമ വരുന്നതിന്റെ ആവേശത്തിലാണ് ആരാധകര്‍. ജനുവരി അഞ്ചിന് ചിത്രീകരണം തുടങ്ങുന്ന ചിത്രത്തിന്റെ പേര് 'റാം' എന്നാണ്. കഴിഞ്ഞ ദിവസമാണ് സിനിമയെക്കുറിച്ചുള്ള ഔദ്യോഗിക പ്രഖ്യാപനം നടന്നത്.

എന്നാല്‍, സിനിമയുമായി ബന്ധപ്പെട്ട് കൊച്ചിയില്‍ നടന്ന വാര്‍ത്താസമ്മേളനത്തിന്റെ വീഡിയോ പുറത്തുവന്നതു മുതല്‍ മോഹന്‍ലാല്‍ ആരാധകര്‍ക്ക് വലിയ ആശങ്കയുണ്ടെന്നാണ് സമൂഹമാധ്യമങ്ങളിലെ ചോദ്യങ്ങളിൽനിന്ന് വ്യക്തമാകുന്നത്. ലാലേട്ടന്റെ കൈയ്‌ക്ക് എന്തു പറ്റിയെന്നാണ് എല്ലാവരും ചോദിക്കുന്നത്. വലതു കയ്യില്‍ ബാന്‍ഡേജ് ചുറ്റിയാണ് വീഡിയോയില്‍ മോഹന്‍ലാലിനെ കാണുന്നത്.

Read Also: രാജ്യം പ്രക്ഷോഭത്തിലൂടെ കടന്നു പോകുമ്പോൾ, ഞങ്ങളത് ചെയ്യുന്നത് ശരിയല്ല: ദീപിക പദുകോൺ

തള്ളവിരലിന് എന്തോ പരുക്ക് പറ്റിയതാണെന്നാണ് ചിത്രങ്ങളില്‍ നിന്ന് വ്യക്തമാകുന്നത്. യഥാര്‍ഥത്തില്‍ കൈയ്ക്ക് എന്താണ് സംഭവിച്ചതെന്ന് സമൂഹമാധ്യമങ്ങള്‍ ലാലേട്ടന്‍ ആരാധകരും ചോദിക്കുന്നു. ഏതെങ്കിലും സിനിമയുടെ ഷൂട്ടില്‍ നിന്ന് പരുക്കേറ്റതാണോ എന്നാണ് ആരാധകരുടെ സംശയം.

'റാം' സിനിമയുമായി ബന്ധപ്പെട്ട വാർത്താസമ്മേളനത്തിനിടെ മോഹൻലാൽ

ദൃശ്യത്തിനു ഷമാണ് മോഹൻലാൽ-ജിത്തു ജോസഫ് കൂട്ടുകെട്ട് വീണ്ടും ഒന്നിക്കുന്നത്. തൃഷയാണ് സിനിമയിലെ നായിക. മോഹൻലാലിനൊപ്പം ആദ്യമായി അഭിനയിക്കുന്നതിന്റെ ആകാംക്ഷയിലാണ് തൃഷ. കൊച്ചിയിൽ നടന്ന വാർത്താസമ്മേളനത്തിൽ തൃഷയും പങ്കെടുത്തിരുന്നു.

തന്റെ സിനിമ ജീവിതത്തിൽ ചെയ്‌തതിൽവച്ച് ഏറ്റവും ചെലവേറിയ സിനിമയാകും 'റാം' എന്ന് ജിത്തു ജോസഫ് പറഞ്ഞു.