പ്രണയത്തിനൊരു മുഖമുണ്ടെങ്കിൽ അതു നീയാണ്: നയൻസിനോട് വിക്കി

തമിഴകത്തെ പവർ കപ്പിളാണ് നയൻതാരയും വിഘ്നേഷ് ശിവനും. നയൻതാര അഭിനയത്തിൽ തിളങ്ങുമ്പോൾ സംവിധാനരംഗമാണ് വിഘ്നേഷിന്റെ തട്ടകം. അതിനൊപ്പം റൗഡി പിക്ച്ചേഴ്സ് എന്ന പേരിൽ സ്വന്തമായൊരു നിർമ്മാണകമ്പനിയും ഈ ദമ്പതികൾക്കുണ്ട്.

നയൻതാരയുടെ ജീവിതവും അവരുടെ ഇഷ്ടാനിഷ്ടങ്ങളെല്ലാം ആരാധകർ കൂടുതലും അറിയാൻ തുടങ്ങിയത് സംവിധായകൻ വിഘ്നേഷ് ശിവനിലൂടെയാണ്. വിഘ്നേഷ് ശിവനിലൂടെ നയൻതാര എന്ന വ്യക്തിയെ പുറം ലോകം അറിയാൻ തുടങ്ങി.'തങ്കമേ'എന്ന അടിക്കുറിപ്പ് നൽകി കൊണ്ട് വിഘ്നേഷ് പങ്കുവയ്ക്കുന്ന ചിത്രങ്ങളിലെല്ലാം നയൻതാരയോടുളള സ്നേഹം നിറഞ്ഞു കാണാം

വിഘ്നേഷ് പങ്കുവച്ച പുതിയ ചിത്രങ്ങളും സമൂഹമാധ്യമങ്ങളുടെ ശ്രദ്ധ നേടി കഴിഞ്ഞു. "പ്രണയത്തിനൊരു മുഖമുണ്ടെങ്കിൽ അതു നീയാണ്," എന്നാണ് വിഘ്നേഷ് നയൻതാരയോട് പറയുന്നത്.

ഒരു പൂജ ചടങ്ങിനിടെ പകർത്തിയതാണ് പുതിയ ചിത്രങ്ങൾ. റെഡ് സാരിയും ബ്ലാക്ക് സ്ലീവ് ലെസ്സ് ബ്ലൗസുമാണ് നയൻതാരയുടെ വേഷം. മഞ്ഞ കുർത്തയാണ് വിഘ്നേഷ് അണിഞ്ഞിരിക്കുന്നത്.

"സ്നേഹത്തിന്റെയും ദൈവത്തിന്റെയും നന്മയുടെയും ശക്തിയിൽ വിശ്വസിക്കൂ," എന്നാണ് ചിത്രങ്ങൾ പങ്കുവച്ച് നയൻതാര കുറിച്ചത്