Lunar Eclipse 2025; Blood Moon: രക്ത ചുവപ്പണിഞ്ഞ ചന്ദ്രനെ കണ്ടോ?

ആപ്പിൾ പോലെ ചുവന്നു തുടത്ത പൂർണ ചന്ദ്രനെ കാണാത്തതായി ആരെങ്കിലുമുണ്ടോ? ഏഷ്യയിലും യൂറോപ്പിലും ആഫ്രിക്കൻ ഭൂഖണ്ഡങ്ങളിലുമെല്ലാം ദൃശ്യമായ റെഡ്മൂൺ പ്രതിഭാസമായിരുന്നു ഇത്.

ഇന്ത്യയിൽ ലഡാക്ക് മുതൽ തമിഴ്നാട് വരെ പൂർണ്ണ ചന്ദ്രഗ്രഹണം ദൃശ്യമായിരുന്നു.

ചന്ദ്രനും സൂര്യനും ഇടയിൽ ഭൂമിയെത്തുമ്പോള്‍, ഭൂമിയുടെ നിഴൽ ചന്ദ്രനിൽ പതിക്കുമ്പോഴാണ് ചന്ദ്രഗ്രഹണം സംഭവിക്കുന്നത്.

ഭൂമിയുടെ നിഴലിൽ ചന്ദ്രൻ പൂർണ്ണമായി മറയുകയും എന്നാൽ ഭൂമിയുടെ അന്തരീക്ൽത്തിലൂടെ കടന്നുപോകുന്ന സൂര്യരശ്മികൾ ചന്ദ്രനെ ചുവപ്പ് കലർന്ന ഓറഞ്ച് നിറത്തിൽ ദൃശ്യമാക്കുന്നു.

2022ന് ശേഷം ഇന്ത്യയിൽ നിന്ന് ദൃശ്യമാകുന്ന ഏറ്റവും ദൈർഘ്യമേറിയ പൂർണ്ണ ചന്ദ്രഗ്രഹണമാണിത്. 82 മിനിറ്റോളം ഇത് നീണ്ടു നിന്നു. 2028 ഡിസംബർ മുപ്പത്തിയൊന്നിനാണ് ഇനി ഇന്ത്യയിൽ പൂർണ ചന്ദ്രഗ്രഹണം കാണാൻ സാധിക്കുന്നത്.