ഉമ്മൻ ചാണ്ടിയുടെ ഓർമ്മ ചിത്രങ്ങൾ

മുതിർന്ന കോൺഗ്രസ് നേതാവും മുൻ മുഖ്യമന്ത്രിയുമായിരുന്ന ഉമ്മൻ ചാണ്ടി (80) അന്തരിച്ചു. ദീർഘനാളായി അസുഖ ബാധിതനായിരുന്നു. ഇന്ന് പുലർച്ചെ 4.25നു ബെംഗളൂരുവിൽ ആയിരുന്നു അന്ത്യം. 2004-06, 2011-16 കാലങ്ങളിൽ കേരളത്തിന്റെ മുഖ്യമന്ത്രിയായിരുന്ന ഉമ്മൻ ചാണ്ടി കേരളം നിയമസഭയിൽ ഏറ്റവും കൂടുതൽ തവണ സാമാജികനായ ആളുമായിരുന്നു. അഞ്ച് പതിറ്റാണ്ടായി പുതുപ്പള്ളിയിലെ എംഎൽഎയായിരുന്നു.

രണ്ടു തവണ മുഖ്യമന്ത്രിയും മൂന്നുതവണ മന്ത്രിയും ഒരു തവണ പ്രതിപക്ഷ നേതാവുമായി. 1977ൽ മുപ്പത്തി നാലാം വയസിലാണ് ആദ്യമായി മന്ത്രിയായത്. തൊഴില്‍ വകുപ്പ് കൈകാര്യം ചെയ്ത അദ്ദേഹം 1981ല്‍ ആഭ്യന്തര മന്ത്രി പദവും 1991ല്‍ ധനമന്ത്രി പദവും അലങ്കരിച്ചു. കെ കരുണാകരന്‍ രാജിവച്ചതിനെത്തുടര്‍ന്ന് 2004 മുതല്‍ 2006 വരെ മുഖ്യമന്ത്രിയായ ഉമ്മന്‍ ചാണ്ടി 2011ലാണ് ആ പദവിയില്‍ വീണ്ടുമെത്തുന്നത്.