ഒത്തുകൂടാനുള്ള അവസരങ്ങളൊന്നും ഞങ്ങൾ മിസ്സാക്കില്ല; പ്രഭുവിന്റെ മകളുടെ വിവാഹവേദിയിൽ തിളങ്ങി എവർഗ്രീൻ താരങ്ങൾ, ഒപ്പം ദുൽഖറും

മാർക്ക് ആന്റണിയുടെ സംവിധായകൻ ആദിക് രവിചന്ദ്രനും നടൻ പ്രഭുവിന്റെ മകളും ശിവാജി ഗണേശന്റെ കൊച്ചുമകളുമായ ഐശ്വര്യ പ്രഭുവും വിവാഹിതരായി.

വെള്ളിയാഴ്ച രാവിലെ ചെന്നൈയിൽ ആയിരുന്നു വിവാഹ ചടങ്ങുകൾ നടന്നത്. സിനിമാരംഗത്തു നിന്നും നിരവധി താരങ്ങൾ വിവാഹത്തിൽ പങ്കെടുക്കാനായി എത്തിച്ചേർന്നിരുന്നു.

നടൻ വിശാൽ, ദുൽഖർ സൽമാൻ, ലിസ്സി ലക്ഷ്മി, മണിരത്‌നം, സുഹാസിനി, പൂർണിമ ഭാഗ്യരാജ്, ഭാഗ്യരാജ് എന്നിവരെല്ലാം വിവാഹവേദിയിൽ എത്തിച്ചേർന്നിരുന്നു.

താരകൂട്ടായ്മയായ എയ്റ്റീസ് ഗ്യാങ്ങിൽ നിന്നുള്ള ലിസ്സി, സുഹാസിനി, പൂർണിമ ഭാഗ്യരാജ്, ഭാഗ്യരാജ് തുടങ്ങിയ താരങ്ങളും പ്രിയ ചങ്ങാതിയുടെ മകളുടെ വിവാഹത്തിൽ പങ്കെടുക്കാൻ എത്തിയിരുന്നു

ലിസിയ്ക്ക് ഒപ്പം ദുൽഖറും അമാലും

ജീവിതപങ്കാളിയായ അമാൽ സൂഫിയയ്ക്ക് ഒപ്പമാണ് ദുൽഖർ ചടങ്ങിനെത്തിയത്.

ഐശ്വര്യ- അദ്വിക് വിവാഹത്തിൽ നിന്നുളള ചിത്രങ്ങൾ ലിസ്സി ഇൻസ്റ്റഗ്രാമിൽ പങ്കിട്ടു

ഐശ്വര്യയും ആദികും ഏറെനാളുകളായി പ്രണയത്തിലാണ്. ഐശ്വര്യയുടെ രണ്ടാം വിവാഹമാണിത്. 2009ൽപ്രഭുവിന്റെ ഇളയ സഹോദരി തേൻമൊഴിയുടെ മകനായ കുനാലുമായി ഐശ്വര്യയുടെ വിവാഹം നടന്നിരുന്നു. എന്നാൽ പിന്നീട് ഇരുവരും പിരിഞ്ഞു.

അതിനു ശേഷം ഐശ്വര്യ ബേക്കിംഗിലേക്ക് തിരിയുകയായിരുന്നു. ഇന്ന് തന്റെ കേക്ക് നിർമ്മാണ ബിസിനസ്സ് വിജയകരമായി മുന്നോട്ടു കൊണ്ടുപോവുകയാണ് ഐശ്വര്യ. അതേസമയം, അജിത്തിനെ നായകനാക്കി പുതിയ ചിത്രം ഒരുക്കുന്നതിന്റെ തിരക്കിലാണ് അദിക്. അജിത്തിന്റെ 63-ാമത്തെ ചിത്രമാണിത്.