അനുരാഗ് കശ്യപിൻ്റെ മകൾ ആലിയ വിവാഹിതയാവുന്നു; ഹൽദി ചിത്രങ്ങൾ

അനുരാഗ് കശ്യപിൻ്റെ മകൾ ആലിയ കശ്യപ് വിവാഹിതയാവുന്നു. ആലിയയുടെ ദീർഘകാല കാമുകൻ ഷെയ്ൻ ഗ്രിഗോയറാണ് വരൻ. വിവാഹത്തിന് മുൻപായി നടന്ന ഹൽദി ചടങ്ങിൽ നിന്നുള്ള ചിത്രം പങ്കിട്ടിരിക്കുകയാണ് അനുരാഗ്.

മഞ്ഞ നിറത്തിലുള്ള വസ്ത്രങ്ങളാണ് ആലിയയുടെയും ഷെയ്നിന്റെയും വേഷം.

ആലിയയുടെ അടുത്ത സുഹൃത്തുക്കളായ നടി ഖുഷി കപൂർ, സുഹൃത്തും ഫാഷൻ ബ്ലോഗറുമായ മുസ്‌കൻ ചനാന, ഇംതിയാസ് അലിയുടെ മകൾ ഐഡ അലി എന്നിവരും ഹൽദിയ്ക്കായി എത്തിയിരുന്നു.

ഏറെ നാളായി പ്രണയത്തിലായ ആലിയ കശ്യപിന്റെയും ഷെയ്ൻ ഗ്രിഗോയറിന്റെയും വിവാഹനിശ്ചയം കഴിഞ്ഞ വർഷം മുംബൈയിൽ നടന്നു. ഡിസംബർ 11നാണ് ഇരുവരുടെയും വിവാഹം.

ഹൽദിയ്ക്കു മുന്നോടിയായി പ്രീ- വെഡ്ഡിംഗ് ആഘോഷങ്ങളും നടന്നിരുന്നു.

വൈറ്റ് ഡ്രസ്സായിരുന്നു ആലിയയുടെ വേഷം. സാക്ഷി ശിവദാസനി, ഇഡ അലി, കരീമ ബാരി, മുസ്‌കൻ ചനാന, പേൾ മാലിക്, മാണിക മൽക്കാനി തുടങ്ങി ആലിയയുടെ സുഹൃത്തുക്കൾ ചടങ്ങിൽ പങ്കെടുത്തു.