റിയാദ്​: സൗദി അറേബ്യയിലെ കിഴക്കൻ പ്രവിശ്യയായ ദമാമിനടുത്ത്​ ഖത്തീഫിൽ സ്​ഫോടകവസ്​തുക്കളുമായി പോയ കാർ ​പൊട്ടിത്തെറിച്ച്​ രണ്ടുപേർ മരിച്ചു. നിരവധി പേർക്ക്​ പരുക്കേറ്റു. വ്യാഴാഴ്​ച വൈകുന്നേരം മഗ്​രിബ്​ നമസ്​കാരത്തിന്​ തൊട്ടുമുമ്പ്​ ഖത്തീഫിലെ തിരക്കേറിയ പാതയിലാണ്​ സംഭവം.

അവാമിയയിൽ നിരവധി അക്രമസംഭവങ്ങളിൽ പൊലീസ്​ തേടുന്ന മുഹമ്മദ്​ ശു​മയീൽ, ഫാദിൽ ഹമാദി എന്നിവരാണ്​ മരിച്ചതെന്നാണ്​​ സൂചന​. ടൊയോട്ട സെക്വായ കാറാണ്​ സ്​ഫോടനത്തിൽ തകർന്നത്​. രണ്ടുപേരുടെയും മൃതദേഹങ്ങൾ കത്തിക്കരിഞ്ഞ നിലയിലായിരുന്നു. മരിച്ചവർക്കൊപ്പം ഉണ്ടായിരുന്ന മൂന്നുപേർ സംഭവ സ്​ഥലത്ത്​ നിന്ന്​ രക്ഷപ്പെട്ടു. ഇവർക്ക്​ വേണ്ടി പൊലീസ്​ തിരച്ചിലിലാണ്​.

ഭീകരാക്രമണമാണെന്നായിരുന്നു ആദ്യ നിഗമനം. സ്​ഫോടനത്തെ തുടർന്ന്​ കാറിൽ നിന്ന്​ തീ ആളിപ്പടരുന്നതിന്റെ ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിച്ചിരുന്നു. തിങ്കളാഴ്​ച രാവി​ലെ അവാമിയയിൽ സുരക്ഷാസേനയുടെ വാഹനത്തിന്​ നേരെ ആക്രമണമുണ്ടായിരുന്നു. സംഭവത്തിൽ സുരക്ഷ ഉദ്യോഗസ്​ഥന്​ ഗുരുതരമായി പരുക്കേൽക്കുകയും ചെയ്​തു.

Get Malayalam News and latest news update from India and around the world. Stay updated with today's latest Overseas news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ