Latest News
കോവിഡ് മുക്തരിലെ ക്ഷയരോഗം: മാർഗനിർദേശവുമായി ആരോഗ്യ വകുപ്പ്
രണ്ടാം തരംഗം കേരളത്തിന് കടുപ്പമായി; മരണങ്ങളിൽ പകുതിയും 40 ദിവസത്തിനിടെ
Coronavirus India Live Updates: 150 രൂപയ്ക്ക് കോവാക്സിന്‍ കേന്ദ്രത്തിന് നല്‍കുന്നത് ലാഭകരമല്ല: ഭാരത് ബയോടെക്

സൗദിയിൽ ടൂറിസ്റ്റ് വിസ വരുന്നു; പ്രതീക്ഷയർപ്പിച്ച് വിപണി

പുതിയതായി അനുവദിക്കുന്ന ടൂറിസ്റ്റ് വിസയുടെ സ്റ്റാമ്പിങ് ഫീസിൽ ഇളവുണ്ടായാലാണ് സന്ദർശകരുടെ എണ്ണം വർദ്ധിക്കാൻ സാധ്യതയുള്ളത്

റിയാദ്: സൗദി അറേബ്യയിൽ വിദേശ വിനോദ സഞ്ചാരികൾക്ക് പ്രത്യേക വിസ അനുവദിക്കും. ഇതിനായുള്ള ഇലക്ട്രോണിക് വിസ (ഇ-വിസ) സംവിധാനം 2018 മാർച്ച് മാസത്തോടെ നിലവിൽ വരുമെന്ന് സൗദി കമ്മീഷൻ ഫോർ ടൂറിസം ആൻറ് നാഷണൽ ഹെറിറ്റേജ് ചെയർമാൻ അമീർ സുൽത്താൻ ബിൻ സൽമാന്റെ അധ്യക്ഷതയിൽ ചേർന്ന കമ്മീഷൻ ഡയറക്ടർ ബോർഡ് വ്യക്തമാക്കി. വാർത്ത പുറത്ത് വന്നതോടെ വലിയ പ്രതീക്ഷയിലാണ് വിപണി. നിലവിലെ അവസ്ഥയിൽ ലെവി ഉൾപ്പടെയുള്ള ചിലവ് വർദ്ധിച്ചതും കുടുംബങ്ങൾ നാട്ടിലേക്ക് മടങ്ങുന്നതും, തൊഴിൽ രംഗത്തെ പ്രതിസന്ധിയും, സന്ദർശക വിസയിൽ സൗദിയിലേക്കെത്തുന്നവരുടെ എണ്ണത്തിൽ വലിയ കുറവുണ്ടായതും വിപണിയെ കാര്യമായി ബാധിച്ചിട്ടുണ്ട്.

മലയാളികൾ ഉൾപ്പടെ ജോലിചെയ്യുന്ന ഹോട്ടൽ, ബക്കാല (മിനി സൂപ്പർ മാർക്കറ്റ്), ബൂഫിയ (ചായക്കട), തുണിക്കടകൾ, ഷോപ്പിങ് മാളുകൾ, ഫാർമസി തുടങ്ങിയ സ്ഥാപനങ്ങളെയാണ് പുതിയ നിയമങ്ങൾ നഷ്‌ടത്തിലാക്കിയത്. വാടകയും ശമ്പളവും ഉൾപ്പടെ വലിയ തുക കടത്തിലാണ് പലരും. വൈദ്യതിയും പെട്രോളിയം ഉത്പന്നങ്ങൾക്കും സർക്കാർ നൽകി വരുന്ന സബ്‌സിഡി എടുത്ത് കളയുന്നതോടെ ചിലവ് ഇനിയും വർദ്ധിക്കും. വരും ദിവസങ്ങളിൽ പ്രതീക്ഷയർപ്പിച്ചാണ് പലരും നഷ്‌ടം സഹിച്ചും തുടരുന്നത്. സൗദിയിൽ ടൂറിസ്റ്റ് വിസ അനുവദിക്കാൻ തുടങ്ങിയാൽ സൗദിയിലേക്ക് വിദേശികളുടെ ഒഴുക്കുണ്ടാകും. ഇത് വിപണിക്ക് പുതു ജീവൻ നൽകുമെന്നാണ് പ്രതീക്ഷിക്കുന്നതെന്ന് കച്ചവട രംഗത്തുള്ളവർ അഭിപ്രായപ്പെട്ടു.

അതേസമയം വിസ എങ്ങിനെ നൽകുമെന്നോ ആർക്കൊക്കെ നൽകുമെന്നോ എന്ന കാര്യത്തിൽ വ്യക്തത വന്നിട്ടില്ല. വിസ സ്റ്റാമ്പിങ്ങിന് സർക്കാർ ഈടാക്കുന്ന തുകക്കനുസരിച്ചായിരിക്കും സന്ദർശകരുടെ എണ്ണത്തിൽ വർധനവുണ്ടാകുക. നിലവിൽ ആശ്രിതർക്ക്  നൽകുന്ന സന്ദർശക വിസ സ്റ്റാമ്പിങ്ങിന് 2000 സൗദി റിയാലാണ് ഏകദേശം 34000 ഇന്ത്യൻ രൂപ. ഓരോ പാസ്സ്പോർട്ടിനും ഈ തുക നൽകണം. ബിസിനസ്സ് വിസക്കും ഈ തുകയാണ് ഇപ്പോൾ ഈടാക്കുന്നത്. പുതിയതായി അനുവദിക്കുന്ന ടൂറിസ്റ്റ് വിസയുടെ സ്റ്റാമ്പിങ് ഫീസിൽ ഇളവുണ്ടായാലാണ് സന്ദർശകരുടെ എണ്ണം വർധിക്കാൻ സാധ്യതയുള്ളത്. ടൂറിസ്റ്റ് വിസ അനുവദിക്കുന്നത് വഴി സൗദിയുടെ എല്ലാ പ്രവിശ്യകളിൽ വാണിജ്യ രംഗത്ത് വലിയ ചലനങ്ങൾ ഉണ്ടാകുമെന്നാണ് പ്രതീക്ഷിക്കുന്നത്.

വാർത്ത: നൗഫൽ പാലക്കാടൻ

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Tourist visa saudi arabia market hope

Next Story
പുതുവത്സരരാവ് വര്‍ണാഭമാക്കാന്‍ ബുര്‍ജ് ഖലീഫ ഒരുങ്ങുന്നു: വീഡിയോ പുറത്തുവിട്ടു
The moderation of comments is automated and not cleared manually by malayalam.indianexpress.com
Best of Express