തനിമ വനിതകള്‍ക്കായി സൗഹൃദ സായാഹ്നം സംഘടിപ്പിച്ചു

ജിദ്ദ: തനിമ നോര്‍ത്ത് സോണ്‍ വനിതകള്‍ക്കായി സംഘടിപ്പിച്ച സൗഹൃദ സായാഹ്‌നം ശ്രദ്ധേയമായി. ജീവിതശൈലിയിലെ മാറ്റം കാരണം വ്യാപകമാകുന്ന രോഗങ്ങളെക്കുറിച്ചും അവയെ നേരിടാന്‍ നാടിന്റെ തനതായ ഭക്ഷണരീതികളിലേക്കും, കായികക്ഷമത വര്‍ധിപ്പിക്കുന്നതിനുള്ള ശ്രമങ്ങളിലേക്കും മടങ്ങേണ്ടതിന്റെ അനിവാര്യത ഉണര്‍ത്തിക്കൊണ്ട് ഹോമിയോ വിദഗ്ധ ഡോ.ജയശ്രീ മൂര്‍ത്തി ക്ലാസെടുത്തു.

തുടര്‍ന്ന് പ്രവാസ ജീവിതത്തില്‍ വീട്ടമ്മമാര്‍ക്ക് ലഭിക്കുന്ന ഒഴിവുസമയങ്ങള്‍ ഗുണപരമായി പ്രയോജനപ്പെടുത്തുന്നതോടൊപ്പം സാമ്പത്തിക മെച്ചവുമുണ്ടാക്കാനുപകരിക്കുന്ന സ്വയം തൊഴില്‍ സംരംഭങ്ങള്‍ സിജി സീനിയര്‍ റിസോഴ്‌സ് പേഴ്‌സണ്‍മാരായ റഷീദ് അമീര്‍, ഇര്‍ഷാദ്, സാജിദ് പാറക്കല്‍, മുഹമ്മദ് കുഞ്ഞി എന്നിവര്‍ പരിചയപ്പെടുത്തി.

തനിമ നോര്‍ത്ത് സോണ്‍ വനിതാവിഭാഗം പ്രസിഡന്റ് മുംതസ്.വി അധ്യക്ഷത വഹിച്ച പരിപാടിയില്‍ ഖദീജാബി സ്വാഗതവും വനിതാവിഭാഗം സെക്രട്ടറി നജാത്ത് സക്കീര്‍ നന്ദിയും പറഞ്ഞു. നസീറ ലത്തീഫ് ഖിറാഅത്ത് നടത്തി. വിവിധ മത്സരവിജയികള്‍ക്കുള്ള സമ്മാനങ്ങള്‍ തനിമ നോര്‍ത്ത്‌സോണ്‍ പ്രസിഡന്റ് അബ്ദുശുക്കൂര്‍ അലി, ബഷീര്‍.സി.എച്ച്, മുഹമ്മദ് ഇസ്മാഈല്‍, മുംതസ്.വി എന്നിവര്‍ വിതരണം ചെയ്തു. സോഫിയ സുനില്‍, ഷരീഫ ഹുസൈന്‍ എന്നിവര്‍ ഗാനമാലപിച്ചു. ഷഹനാസ് ഇസ്മായില്‍, ഹാഫിള ഹനീഫ്, ഷമീന അസീസ് എന്നിവര്‍ നേതൃത്വം നല്‍കി. തസ്‌നീം നിസാര്‍, ബുഷ്‌റ സുലൈമാന്‍, സുഹറ ബഷീര്‍, ഫാത്തിമ എന്നിവര്‍ പരിപാടികള്‍ നിയന്ത്രിച്ചു.