Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

ഐഎസിന്റെ 3,60,000 സോഷ്യൽ മീഡിയ അക്കൗണ്ടുകൾ കണ്ടുകെട്ടി

പ്രതിദിനം 1,30,000 മെസേജുകളാണ് ഇസ്‌ലാമിക് സ്റ്റേറ്റിന്റേതായി സാമൂഹ്യമാധ്യമങ്ങളിലൂടെ പ്രചരിച്ചിരുന്നത്.

islamic state, murder, list of persons to be murdered, malayali hit list of isis, isis list of keralite, കേരളത്തിൽ ഐഎസ്ഐഎസിന് കൊല്ലേണ്ടവർ, ഇസ്ലാമിക് സ്റ്റേറ്റിന്റെ കേരളത്തിലെ കൊലപട്ടിക

റിയാദ്: ഭീകര സംഘടനയായ ഇസ്‌ലാമി സ്റ്റേറ്റ് തങ്ങളുടെ പ്രചാരണത്തിന് സാമൂഹ്യ മാധ്യമങ്ങളിൽ ഉപയോഗിച്ചിരുന്ന 3,60,000 അക്കൗണ്ടുകൾ കണ്ടെത്തി പൂട്ടിച്ചതായി ട്വീറ്റ്സൊ ഉപജ്ഞാതാവ് അബ്ദുൽ റഹ്‌മാൻ സൈദ് അൽ ശഹ്‌രിയെ ഉദ്ധരിച്ചുകൊണ്ട് അറബിക് ദിനപത്രമായ അൽ മദീന റിപ്പോർട്ട് ചെയ്തു. പ്രതിദിനം 1,30,000 മെസേജുകളാണ് ഇസ്‌ലാമിക് സ്റ്റേറ്റിന്റേതായി സാമൂഹ്യമാധ്യമങ്ങളിലൂടെ പ്രചരിച്ചിരുന്നത്. എന്നാൽ ഇത് 75 ശതമാനത്തിലധികം കുറയ്ക്കാൻ കഴിഞ്ഞിട്ടുണ്ടെന്ന് ദിനപത്രത്തിന് നൽകിയ അഭിമുഖത്തിൽ അൽ ശഹ്‌രി പറഞ്ഞു.

സൗദികൾ കൂടുതൽ പേർ ഉപയോഗിക്കുന്ന ട്വിറ്റർ പോലുള്ള മാധ്യമങ്ങളിലൂടെയാണ് പ്രചാരണങ്ങൾ അഴിച്ചുവിട്ടിരുന്നത്. ഏജൻസികളുടെ നിതാന്തജാഗ്രതയും ട്വീറ്റ്സൊ പോലുള്ള സംഘങ്ങളുടെ ബോധവത്ക്കരണപരിപാടികളും കുപ്രചരണങ്ങൾക്ക് ഒരു പരിധിവരെ തടയിടാനായിട്ടുണ്ട്. സൈബർ കുറ്റകൃത്യങ്ങൾക്ക് പത്ത് കൊല്ലം തടവും 50 ലക്ഷം റിയാൽ പിഴയും വരെ രാജ്യത്ത് നിലവിലുള്ള നിയമങ്ങൾ പ്രകാരം ലഭിക്കും. സൗദിയിലെ സർക്കാർ വെബ്‌സൈറ്റുകളാണ് കൂടുതൽ ഹാക്കർമാരും ലക്ഷ്യം വെയ്ക്കുന്നതെന്നും അൽ ശഹ്‌രി കൂട്ടിചേർത്തു.

സൈബർ സുരക്ഷയ്ക്കായുള്ള ബോധവത്കരണം ലക്ഷ്യമാക്കി തുടങ്ങിയ ട്വീറ്റ്സൊയുടെ പ്രവർത്തങ്ങൾ ഏറെ ഗുണം ചെയ്തിട്ടുണ്ടെന്ന് ഈ രംഗത്തുള്ളവർ പറയുന്നു.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Terror group islamic state 360000 social media accounts blocked tweetsso

Next Story
ബഹ്‌റൈനില്‍ ഇന്ത്യന്‍ സ്‌കൂള്‍ ബസിനു തീപിടിച്ചു; മുഴുവന്‍ കുട്ടികളെയും രക്ഷപ്പെടുത്തിindian school, bus, fire, manama,bahrain,
The moderation of comments is automated and not cleared manually by malayalam.indianexpress.com