Latest News

ദുബായില്‍ ജീവനുള്ള പൂച്ചയെ നായ്ക്കള്‍ക്ക് ഭക്ഷണമായി നല്‍കിയവര്‍ക്ക് മാതൃകാപരമായ ശിക്ഷ നല്‍കി ദുബായ് ഭരണാധികാരി

പൂച്ച തങ്ങളുടെ പ്രാവുകളെയും കോഴിക്കുഞ്ഞിനേയും ഭക്ഷിച്ചുവെന്ന് പറഞ്ഞാണ് നായ്ക്കൾക്ക് ഭക്ഷണമായി നൽകിയത്. സംഭവത്തിന്‍റെ വീഡിയോ സോഷ്യൽ മീഡിയയിൽ പ്രചരിച്ചതോടെ ദുബായ് പോലീസ് ഇവരെ അറസ്റ്റ് ചെയ്തു

യുഎഇ: ദുബായില്‍ നായ്ക്കൾക്ക് ഭക്ഷണമായി ജീവനുള്ള പൂച്ചയെ നൽകിയ മൂന്നു പേർക്ക് മൂന്ന് മാസത്തേക്ക് മൃഗശാല വൃത്തിയാക്കാൻ ശിക്ഷ വിധിച്ചതായി ഗള്‍ഫ് ന്യൂസ് റിപ്പോര്‍ട്ട് ചെയ്യുന്നു. യുഎഇ പ്രധാനമന്ത്രി ഷെയ്ഖ് മുഹമ്മദ് ബിൻ റാഷിദ് അൽ മക്തൂറിന്‍റെ നിർദേശത്തിലാണ് നടപടി. ദിവസവും നാല് മണിക്കൂർ നേരം വൃത്തിയാക്കൽ തുടരണമെന്നാണ് നിർദേശം.

കഴിഞ്ഞ ബുധനാഴ്ചയാണ് ഇവർ ജീവനുള്ള പൂച്ചയെ കൂട്ടിലടിച്ച് രണ്ടു നായ്ക്കൾക്ക് ഭക്ഷണമായി നൽകിയത്. തുടര്‍ന്ന് ഇതിന്റെ വീഡിയോ നവമാധ്യമങ്ങളില്‍ പ്രചരിപ്പിക്കുകയും ചെയ്തു.

പൂച്ച തങ്ങളുടെ പ്രാവുകളെയും കോഴിക്കുഞ്ഞിനേയും ഭക്ഷിച്ചുവെന്ന് പറഞ്ഞാണ് നായ്ക്കൾക്ക് ഭക്ഷണമായി നൽകിയത്. സംഭവത്തിന്‍റെ വീഡിയോ സോഷ്യൽ മീഡിയയിൽ പ്രചരിച്ചതോടെ ദുബായ് പോലീസ് ഇവരെ അറസ്റ്റ് ചെയ്യുകയായിരുന്നു.

മൃഗങ്ങളോട് കരുണയോടെ പെരുമാറണമെന്ന ഇസ്‌ലാമിക വചനങ്ങള്‍ക്ക് എതിരാണ് ഇവര്‍ ചെയ്ത പ്രവൃത്തിയെന്നും അധികൃതര്‍ പറഞ്ഞു. രണ്ട് ലക്ഷം ദിര്‍ഹം പിഴശിക്ഷ ലഭിക്കാവുന്ന കുറ്റമാണ് ഇതെന്ന് ദുബായ് പോലീസ് അറിയിച്ചു. മൃഗങ്ങളോട് ക്രൂരത കാണിക്കുന്നവര്‍ക്ക് കടുത്ത ശിക്ഷ നല്‍കുമെന്നും പോലീസ് പറയുന്നു.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Men who fed cat to dogs ordered to clean dubai zoo for 90 days

Next Story
തണല്‍ കിഡ്‌നി കെയര്‍ എക്‌സിബിഷന്‍ മേയില്‍ ഇന്ത്യന്‍ സ്‌കൂളില്‍thanal, bahrain
The moderation of comments is automated and not cleared manually by malayalam.indianexpress.com
Best of Express