ബിഗ് ടിക്കറ്റ് നറുക്കെടുപ്പിൽ ഒന്നര കോടി ദിര്‍ഹം മലയാളിക്ക്

അബുദാബി: അബുദാബി ബിഗ് ടിക്കറ്റ് നറുക്കെടുപ്പില്‍ വിജയം നേടി മലയാളി. തിരുവല്ല സ്വദേശി നോബിന്‍ മാത്യുവിനാണ് (38) ഒന്നര കോടി ദിര്‍ഹം (30 കോടി രൂപയിലധികം) സമ്മാനമായി ലഭിച്ചത്. നോബിന്‍ ഒക്ടോബര്‍ 17 ന് വാങ്ങിയ 254806 എന്ന നമ്പർ ടിക്കറ്റാണ സമ്മാനാർഹമായത്.

കുവൈത്തിലെ ഒരു സ്വകാര്യ കമ്പനിയിലെ സൂപ്പര്‍വൈസറായ നോബിന്‍ 2007 മുതല്‍ കുവൈത്തില്‍ സ്ഥിരതാമസമാണ്. ഭാര്യയും അഞ്ച് വയസ്സുള്ള മകനുമുണ്ട്.

ഒമാനില്‍ ജനിച്ച നോബിന്‍ വളര്‍ന്നതും പഠനം പൂര്‍ത്തിയാക്കിയതും കേരളത്തിലാണ്. പിന്നീടാണ് കുവൈത്തിലേക്ക് താമസം മാറ്റിയത്. മാതാപിതാക്കള്‍ ഒമാനില്‍ ഉദ്യോഗസ്ഥരായിരുന്നു.