Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു

മലർവാടി ഖുർആൻ മത്സരങ്ങൾ സമാപിച്ചു

തിരഞ്ഞെടുത്ത 77 കുട്ടികളാണ് ജൂനിയർ, സീനിയർ വിഭാഗങ്ങളിലായി ഖുർആൻ പാരായണം ഇസ്‌ലാമിക് ക്വിസ് എന്നീ മത്സരങ്ങളുടെ ഫൈനലിൽ മാറ്റുരച്ചത്

Quran

ദോഹ: മലർവാടി ഖത്തർ ഘടകം 13 വയസ്സ് വരെയുള്ള കുട്ടികൾക്കായി റമസാനോടനുബന്ധിച്ച് നടത്തിയ ഖുർആൻ മത്സരങ്ങൾ സമാപിച്ചു. ഖത്തറിലെ 10 കേന്ദ്രങ്ങളിലായി അഞ്ഞൂറോളം കുട്ടികൾ പങ്കെടുത്ത ഏഴാമത് സീസണിലെ പ്രാഥമിക റൗണ്ടിൽ നിന്നു തിരഞ്ഞെടുത്ത 77 കുട്ടികളാണ് ജൂനിയർ, സീനിയർ വിഭാഗങ്ങളിലായി ഖുർആൻ പാരായണം ഇസ്‌ലാമിക് ക്വിസ് എന്നീ മത്സരങ്ങളുടെ ഫൈനലിൽ മാറ്റുരച്ചത്.

പ്രശ്നോത്തരിയിൽ അലിഷാ അബ്ദുൽ നാസർ (അൽ ഖോർ), ഫാത്തിമ സിത്താര, ഹാനിൻ ഷംഷീർ (മാമൂറ), എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.

ഖുർആൻ പാരായണം ജൂനിയർ വിഭാഗത്തിൽ ഇൽഹാം അബ്ദുൽ അസീസ് (വക്‌റ), ഐഷ റണ (മാമൂറ), ഐഷ മഹ്റിൻ (വുഖൈർ) എന്നിവരും, സീനിയർ വിഭാഗത്തിൽ ഫാദിൽ മുഹമ്മദ് റിയാസ് (ബിൻ മഹ്‌മൂദ്‌), ജാഫർ ഷമീം (ബിൻ മഹ്‌മൂദ്‌), അസ്മ നിസാർ (അൽ ഖോർ) എന്നിവരും യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.

ഐഐഎ ജനറൽ സെക്രട്ടറി സലാം ബിൻ ഹസ്സൻ, വനിതാ വിഭാഗം അധ്യക്ഷ നഫീസത്ത് ബീവി, മലർവാടി ചീഫ് കോഡിനേറ്റർ സിയാദ്, മലർവാടി ഭാരവാഹികളായ അബ്ദുൽ കാദർ എ.കെ.പി, ശംസുദ്ധീൻ കണ്ണോത്ത്, അബ്ദുൽ ലത്തീഫ് വി.പി, സിദ്ദിഖ് പടിയത്ത്, അബ്ദുൽ നാസർ, ആബിദ സുബൈർ, നുസ്രത്ത് ശുഐബ്, അസ്മ അബ്ദുള്ള, ബുഷ്‌റ റാഫി, ഖദീജ നൗഷാദ്, നദീറ ബീവി, സൈനബ അബ്ദുൽ ജലീൽ, സജ്‌ന നജീം, വഹീദുദ്ധീൻ എന്നിവർ സമ്മാനങ്ങൾ വിതരണം ചെയ്തു. പ്രോഗ്രാം കൺവീനർ അബ്ദുൽ ജലീൽ പരിപാടികൾ നിയന്ത്രിച്ചു. രക്ഷിതാക്കളും കുട്ടികളുമടക്കം ഇരുനൂറ്റി അമ്പതോളം പേർ പങ്കെടുത്ത ഇഫ്താറോടെ പരിപാടികൾ സമാപിച്ചു.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Malarvadi quran quiz competition

Next Story
രാജാവിന്റെ പെരുന്നാൾ സമ്മാനം: സൗദിയിൽ ജൂൺ 18 ന് ശമ്പളം നൽകാൻ നിർദേശംsaudi king
The moderation of comments is automated and not cleared manually by malayalam.indianexpress.com