ദുബായ്: യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമുമായി കേരള മുഖ്യമന്ത്രി പിണറായി വിജയന്‍ കൂടിക്കാഴ്ച നടത്തി. ഷെയ്ഖ് മുഹമ്മദിന്റെ ദുബായിലെ സാബില്‍ കൊട്ടാരത്തില്‍ വച്ചായിരുന്നു കൂടിക്കാഴ്ച.

അതിഥികളെ സ്വാഗതം ചെയ്ത ഷെയ്ഖ് മുഹമ്മദ് യുഎഇയും ഇന്ത്യയുമായുള്ള, പ്രത്യേകിച്ച് കേരളവുമായുള്ള ചരിത്രപരമായ ബന്ധം വികസിപ്പിക്കുന്നതിനെ കുറിച്ച് ചര്‍ച്ച നടത്തി. ജനങ്ങളുടെ നേട്ടത്തിനായി ഇരു രാജ്യങ്ങളും തമ്മിലുള്ള ശക്തമായ ബന്ധം വിപുലപ്പെടുത്തുന്നതിനായുള്ള നേതൃത്വത്തിന്റെ ഔത്സുക്യത്തിനും അദ്ദേഹം ഊന്നല്‍ നല്‍കി.

സന്ദര്‍ശനത്തിനിടെ ഷെയ്ഖ് മുഹമ്മദിനെ മുഖ്യമന്ത്രി കേരളത്തിലേക്ക് ക്ഷണിച്ചു. ആദ്യമായാണ് മുഖ്യമന്ത്രി പിണറായി വിജയൻ ദുബായ് ഭരണാധികാരിയുമായി കൂടിക്കാഴ്ച നടത്തുന്നത്. യുഎഇ മന്ത്രി റീം അല്‍ ഹാഷ്മി, ദുബായ് കോടതി ഭരണാധികാരി മുഹമ്മദ് ഇബ്രാഹിം അല്‍ ഷയ്ബാനി, ഇന്ത്യന്‍ അംബാസഡര്‍ നവദീപ് സിങ് സൂരി, ചീഫ് സെക്രട്ടറി ടോം ജോസ്, നോര്‍ക്ക വൈസ് ചെയര്‍മാന്‍ എം.എ.യൂസഫലി, നോര്‍ക്ക പ്രിന്‍സിപ്പല്‍ സെക്രട്ടറി ഡോ. കെ.ഇളങ്കോവന്‍ എന്നിവരും ചര്‍ച്ചയില്‍ പങ്കെടുത്തു.

Get Malayalam News and latest news update from India and around the world. Stay updated with today's latest Overseas news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ