Latest News
UEFA EURO 2020: കരുത്തന്മാരുടെ പോരാട്ടത്തില്‍ ഫ്രാന്‍സ്
സംസ്ഥാനത്ത് ലോക്ക്ഡൗണ് ഇളവുകള്‍ നാളെ മുതല്‍
സംസ്ഥാനത്ത് മഴ ശക്തം; ജലനിരപ്പ് ഉയരുന്ന പ്രദേശങ്ങളില്‍ ജാഗ്രതാ നിര്‍ദേശം
കോവിഡ് മരണങ്ങളില്‍ 21 ശതമാനവും തിരുവനന്തപുരത്ത്
രാജ്യത്ത് 62,224 പുതിയ കേസുകള്‍; 2,542 മരണം

കേളി ഇടപെടല്‍: ഒരു പതിറ്റാണ്ടിനു ശേഷം മുഹമ്മദ് ബാഷ മിയ നാടണഞ്ഞു

2002ലാണ് ഹൈദരാബാദ് ചഞ്ചല്‍ ഗൂഡഖല്ല സ്വദേശി മുഹമ്മദ് ബാഷ മിയ സൗദിയിലെത്തിയത്

Mohd Basha Miya Dawadmi

റിയാദ്: ഒരു പതിറ്റാണ്ടു നീണ്ട ദുരിത ജീവിതത്തിനൊടുവില്‍ മുഹമ്മദ് ബാഷ മിയ കേളി ഇടപെടലിനെ തുടര്‍ന്ന് നാടണഞ്ഞു. 2002ലാണ് ഹൈദരാബാദ് ചഞ്ചല്‍ ഗൂഡഖല്ല സ്വദേശി മുഹമ്മദ് ബാഷ മിയ സൗദിയിലെത്തിയത്. ദവാദ്മിയില്‍ നിന്ന് ഏകദേശം 100 കി.മി. അകലെ മുഹമ്മദിയ എന്ന സ്ഥലത്ത് അഞ്ചു വര്‍ഷത്തോളം ആടിനെ മേയ്ക്കുന്ന ജോലിയായിരുന്നു.

ജോലിയില്‍ പ്രവേശിച്ച് അഞ്ചു വര്‍ഷത്തിനു ശേഷം ആദ്യമായി നാട്ടില്‍ പോയി വിവാഹവും കഴിഞ്ഞു രണ്ട് മാസത്തെ അവധിക്കു ശേഷം തിരിച്ചെത്തി ജോലിയില്‍ തുടര്‍ന്നു. എന്നാല്‍ കൃത്യമായി ശമ്പളമോ ഭക്ഷണമോ ലഭിക്കാതെ വന്നതിനെ തുടര്‍ന്ന് തൊഴിലുടമയുമായി തര്‍ക്കമുണ്ടാകുകയും തന്റെ ജീവനു തന്നെ ഭീഷണിയുണ്ടായേക്കാവുന്ന അവസ്ഥയില്‍ അവിടെനിന്ന് രക്ഷപെടുകയുമായിരുന്നു. തുടര്‍ന്ന് ഇഖാമയോ മറ്റു താമസ രേഖകളോ ഇല്ലാതെ പത്തു വര്‍ഷത്തോളം പലയിടങ്ങളില്‍ വിവിധ ജോലികള്‍ ചെയ്തു. പത്തു വയസ്സായ ഏക മകളെ ഇതുവരെ മുഹമ്മദ് ബാഷ മിയക്ക് കാണാന്‍ കഴിഞ്ഞിരുന്നില്ല.

സൗദിയില്‍ പൊതുമാപ്പു പ്രഖ്യാപിച്ചതിനെ തുടര്‍ന്ന് പൊതുമാപ്പിന്റെ ആനുകൂല്യത്തില്‍ നാട്ടിലേക്കു തിരിച്ചുപോകാന്‍ പല തവണ ശ്രമിച്ചെങ്കിലും ജവാസത്തില്‍ വിരലടയാളം ഇല്ലാത്തതിനാല്‍ ശ്രമങ്ങളൊന്നും ഫലം കണ്ടില്ല. തുടര്‍ന്ന് കേളി ദവാദ്മി ഏരിയ ജീവകാരുണ്യ വിഭാഗം കണ്‍വീനര്‍ രാജേഷിന്റെയും ഏരിയ കമ്മിറ്റിയുടെയും നിരന്തര പരിശ്രമത്തിനൊടുവില്‍ നാട്ടിലേക്കു തിരിച്ചുപോകാന്‍ വഴിയൊരുങ്ങി. പത്തു വര്‍ഷത്തെ ദുരിത ജീവിതത്തിനൊടുവില്‍ രാജകാരുണ്യത്തിന്റെ ആനുകൂല്യത്തില്‍ തനിക്ക് നാട്ടിലേക്ക് തിരിച്ചുപോകാന്‍ ആവശ്യമായ എല്ലാ സഹായങ്ങളും ചെയ്തുതന്ന കേളി ദവാദ്മി ഏരിയ ജീവകാരുണ്യ പ്രവര്‍ത്തകര്‍ക്ക് നന്ദി പറഞ്ഞ് മുഹമ്മദ് ബാഷ മിയ തിങ്കളാഴ്ച നാട്ടിലേക്ക് മടങ്ങി.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Keli help muhammed bhasha reached india

Next Story
സൗദിയിൽ കാണാതായ കോഴിക്കോട് സ്വദേശിയെ കണ്ടെത്തിsaudi arabia, abdussamad
The moderation of comments is automated and not cleared manually by malayalam.indianexpress.com