ഇരിട്ടി സ്വദേശി ജിദ്ദയില്‍ നിര്യാതനായി

ജിദ്ദ: ഇരിട്ടി സ്വദേശി പാറയില്‍ ഈസ അബ്ദുല്‍ ഖാദര്‍ (61) ജിദ്ദയില്‍ മരിച്ചു. 32 വര്‍ഷമായി ജിദ്ദയില്‍ ഹൗസ് ഡ്രൈവറാണ്. ജോലിക്കിടെ പക്ഷാഘാതം സംഭവിച്ച് ഏതാനും ദിവസങ്ങളായി കിങ് ഫഹദ് ആശുപത്രിയില്‍ ചികില്‍സയിലായിരുന്നു. ആശുപത്രിയില്‍ വച്ചായിരുന്നു അന്ത്യം. അസുഖബാധിതനായ വിവരമറിഞ്ഞ് ഒമാനിലുള്ള മകന്‍ ഫൈസല്‍ കഴിഞ്ഞയാഴ്ച ജിദ്ദയിലെത്തിയിരുന്നു. ഇന്നലെ മഅ്‌രിബ് മസ്‌കാരാനന്തരം ജിദ്ദ റുവൈസ് മഖ്ബറയില്‍ ഖബറടക്കി.

ഭാര്യ: കെ.വി.സുബൈദ. മക്കള്‍: ഫൗസിയ, ഫാസില, ഫൈസല്‍. മരുമക്കള്‍: ശഫീര്‍, ഉമ്മര്‍. നിയമനടപടികള്‍ പൂര്‍ത്തിയാക്കി മൃതദേഹം മറവുചെയ്യുന്നതിന് തലശേരി ഏരിയ വെല്‍ഫെയര്‍ അസോസിയേഷന്‍ പ്രതിനിധി കബീര്‍ സഹായങ്ങള്‍ നല്‍കി.