ദുബായ്: ഇറാനില്‍ ഭൂകമ്പമുണ്ടായതിനെത്തുടര്‍ന്ന് ഗള്‍ഫ് മേഖലയിലുടനീളം പ്രകമ്പനം. യുഎഇയില്‍ ദുബായ്, ഷാര്‍ജ, അജ്മാന്‍, അബുദാബി എന്നിവിടങ്ങളില്‍ ഭൂചലനം അനുഭവപ്പെട്ടു.
തെക്കന്‍ ഇറാനിലെ തുറമുഖ നഗരമായ ബന്ദര്‍ അബ്ബാസിലെ ഖേഷം ദ്വീപാണു ഭൂകമ്പത്തിന്റെ പ്രഭവകേന്ദ്രം. യുഎഇക്കടുത്ത് സ്ഥിതിചെയ്യുന്നതാണ് ഈ മേഖല. 47 കിലോ മീറ്റർ ആഴത്തിലാണു ഭൂകമ്പമുണ്ടായത്.
Read Also: റിയാദിന്റെ മുഖച്ഛായ മാറ്റാൻ മെട്രോ; ആദ്യഘട്ട സര്‍വീസ് ജൂണില്‍
ഖേഷം ദ്വീപില്‍ ഇന്നു വൈകിട്ടു നാലരയോടെ റിക്ടർ സ്കെയിലിൽ 5.7 തീവ്രത രേഖപ്പെടുത്തിയ ഭൂചലനമുണ്ടായതായി യുഎസ് ജിയോളജിക്കല്‍ സര്‍വേ വെബ്സൈറ്റ് സ്ഥിരീകരിച്ചു.ഇക്കാര്യം യുഎഇ ദേശീയ കാലാവസ്ഥാ കേന്ദ്രവും വ്യക്തമാക്കി.
A 5.7 Magnitude Earthquake on Richter scale is recorded in South of Iran at 16:30, 2020-02-16 “UAE time” According to the NCM “National Seismic Network, Slightly felt by residents without any effect.
— المركز الوطني للأرصاد (@NCMS_media) February 16, 2020
ചെറിയതോതില്‍ ഭൂചലനം അനുഭവപ്പെട്ടതായും നാശനഷ്ടങ്ങളൊന്നുമില്ലെന്നും യുഎഇ ദേശീയ കാലാവസ്ഥാ കേന്ദ്രം അറിയിച്ചു.ദുബായില്‍ ദെയ്‌രയിലും ടെകോമിലും പ്രകമ്പനം അനുഭവപ്പെട്ടുവെന്നു പ്രദേശവാസികളില്‍നിന്നു ലഭിച്ചതായി ഗള്‍ഫ് മാധ്യമങ്ങള്‍ റിപ്പോര്‍ട്ട് ചെയ്തു.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
