വിദേശ വനിതകൾക്കും സൗദി ഡ്രൈവിങ് ലൈസൻസ്: ആദ്യം സ്വന്തമാക്കിയ ലോറ അലോ

2017 ൽ അറബ്​ ലോകത്ത്​ വസിക്കുന്ന ഏറ്റവും സ്വാധീനശേഷിയുള്ള 10 വിദേശ വ്യക്തികളിൽ ഒരാളായും അംഗീകരിക്കപ്പെട്ടിട്ടുളള സ്ത്രീയാണ്

laura alho

റിയാദ് : സൗദി അറേബ്യയിൽ സ്ത്രീകൾ വാഹനമോടിക്കാൻ ദിവസങ്ങൾ മാത്രം ബാക്കി നിൽക്കെ വിദേശ വനിതയായ ലോറ അലോ ഡ്രൈവിങ്​ ലൈസൻസ് സ്വന്തമാക്കി​. ഡ്രൈവിങ്​ ലൈസൻസ്​ നേടുന്ന സൗദിയിലെ ആദ്യ വിദേശ വനിതയാണ് ലോറ. ഫിൻലൻഡുകാരിയായ ലോറ, സൗദി അറേബ്യയെ കുറിച്ചുള്ള പ്രമുഖ യാത്ര ബ്ലോഗായ ബ്ലൂ അബായയുടെ സ്​ഥാപകയാണ്​.

നടപടി ക്രമങ്ങൾക്ക് ശേഷം റിയാദിലെ ട്രാഫിക്​ ഒാഫീസിൽ നിന്നാണ്​ ലോറ ലൈസൻസ് കരസ്ഥമാക്കിയത്​. ലൈസൻസ്​ ലഭിച്ച വിവരം ട്വിറ്ററിൽ അറിയിച്ച ലോറ, ലൈസൻസ്​ നേടുന്ന ആദ്യ യൂറോപ്യൻ വനിതയാണ്​ താനെന്ന്​ ട്രാഫിക്​ അധികൃതർ പറഞ്ഞെന്നും ട്വീറ്റ് ചെയ്തു . നടപടി ക്രമങ്ങൾ ലളിതമായും ആയാസ രഹിതമായും നിർവഹിച്ച റിയാദ്​ ട്രാഫിക്​ അധികൃതർക്ക്​ അവർ നന്ദിയും പറഞ്ഞു.laura alho

സഞ്ചാര സാഹിത്യകാരിയും ഫൊട്ടോഗ്രാഫറുമായ ലോറ 10 വർഷം മുമ്പാണ്​ സൗദിയിലെത്തുന്നത്​. സൗദിയുടെ ചരിത്രത്തിലും സംസ്​കാരത്തിലും പ്രകൃതിയിലും ആകൃഷ്​ടയായ അവർ ഈ ദേശത്തെ ലോകത്തിന്​ പരിചയപ്പെടുത്തുകയെന്ന ദൗത്യം സ്വയം സ്വീകരിക്കുകയായിരുന്നു. സൗദി ടൂറിസത്തെ പുറംലോകത്തിന്​ പരിചയപ്പെടുത്തിയ ആദ്യ വനിതയാകുകയായിരുന്നു അങ്ങനെ അവർ. അതിനായി 2010 ൽ അവർ തുടങ്ങിയ ‘ബ്ലൂ അബായ’ എന്ന ബ്ലോഗ്​ ലോക പ്രശസ്​തമാണ്​. ആ ബ്ലോഗ്​ വഴി സൗദി അറേബ്യയുടെ മറഞ്ഞിരിക്കുന്ന അത്​ഭുതങ്ങളെ അവർ ​േലാകത്തിന്​ കാട്ടിക്കൊടുത്തു. 2013 ൽ ഏറ്റവും മികച്ച ഏഷ്യൻ വെബ്ലോഗ്​ ആയി ബ്ലൂ അബായ തിരഞ്ഞെടുക്കപ്പെട്ടു.

സൗദി ടൂറിസത്തിന്​ നൽകുന്ന പിന്തുണ പരിഗണിച്ച്​ 2014 ൽ സൗദി എക്​സലൻസ്​ ഇൻ ടൂറിസം അവാർഡ് ജേതാവും, 2017 ൽ അറബ്​ ലോകത്ത്​ വസിക്കുന്ന ഏറ്റവും സ്വാധീനശേഷിയുള്ള 10 വിദേശ വ്യക്​തികളിൽ ഒരാളായും അംഗീകരിക്കപ്പെട്ടിട്ടുണ്ട്. സൗദി ടൂറിസം പ്രോത്സാഹിപ്പിക്കുന്നതിനായി ‘ഇൻസ്​പയേർഡ്​ ബൈ അറേബ്യ’ എന്ന പേരിൽ സമ്മാനങ്ങളും സ്​മരണികകളും നൽകുന്ന ഒരു ഷോപ്പ്​ 2013 ൽ അവർ ആരംഭിച്ചു. സൗദി അറേബ്യക്ക്​ വേണ്ടി ലോറ നൽകിയ സേവനങ്ങൾക്കുള്ള മികച്ച പാരിതോഷികമായി അവർക്ക്​ ഈ  അംഗീകാരം.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Finnish travel writer and blogger laura alho first european women to get saudi driving licence

Next Story
വെള്ളിയാഴ്‌ച പെരുന്നാളായാൽ രണ്ട് ജുമൂഅയും നടത്താൻ നിർദേശം
The moderation of comments is automated and not cleared manually by malayalam.indianexpress.com