Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

ഗള്‍ഫ് മേഖലയിലും നേരിയ ഭൂചനം

ബഹ്‌റൈന്‍, കുവൈത്ത്, യഎഇ, തുര്‍ക്കി, ലബനൻ എന്നിവിടങ്ങളില്‍ രാത്രി 9.30 ഓടെയാണു ഭൂചലനം അനുഭവപ്പെട്ടത്

earthquake, gulf

മനാമ: ഗള്‍ഫ് മേഖലയില്‍ ഇന്നലെ നേരിയ ഭൂചനം അനുഭവപ്പെട്ടു. ബഹ്‌റൈന്‍, കുവൈത്ത്, യഎഇ, തുര്‍ക്കി, ലബനൻ എന്നിവിടങ്ങളില്‍ രാത്രി 9.30 ഓടെയാണു ഭൂചലനം അനുഭവപ്പെട്ടത്. ഭൂചലനം സെക്കന്റുകള്‍ നീണ്ടു നിന്നു. ബഹ്‌റൈനില്‍ മനാമയിലും ജുഫൈറിലുമാണ് ഭൂചലനം അനുഭവപ്പെട്ടത്. ഷാര്‍ജയിലും ദുബായിലും പ്രകമ്പനമുണ്ടായി. കുവൈത്തിലെ സാല്‍മിയ, ഫര്‍വാനിയ, മങ്ങഫ്, അബ്ബാസിയ, മഹബുള്ള തുടങ്ങി എല്ലാ ജനവാസ മേഖലകളിലും ഭൂചലനം അനുഭവപ്പെട്ടു.

രണ്ടു തവണകളിലായി ഉണ്ടായ ഭൂചലനത്തില്‍ കെട്ടിടങ്ങളിൽ നല്ല തോതിലുള്ള ഇളക്കം അനുഭവപ്പെട്ടു. പരിഭ്രാന്തരായ ജനങ്ങള്‍ താമസ സ്ഥലങ്ങളില്‍ നിന്നും റോഡുകളിലേക്കും മൈതാനങ്ങളിലേക്കും ഇറങ്ങിയോടി. കുടുംബമായും കമ്പനി ക്യാംപുകളിലും താമസിക്കുന്നവര്‍ മണിക്കൂറുകളോളം പുറത്ത് തന്നെ നില്‍ക്കുന്ന കാഴ്ചയാണ് രാത്രി ഏറെ വൈകിയും കാണാന്‍ സാധിച്ചത്. എന്നാല്‍ ഭൂമികുലുക്കത്തില്‍ രാജ്യത്ത് അപകടങ്ങളോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ലെന്നും ജനങ്ങള്‍ പരിഭ്രാന്തരാകേണ്ടതില്ലെന്നും ഫയര്‍ സര്‍വീസ് ഡയറക്ടറേറ്റ് അറിയിച്ചു.

130 പേരുടെ മരണത്തിനിടയാക്കിയ ഇറാന്‍-ഇറാഖ് അതിര്‍ത്തി പ്രദേശത്ത് ഉണ്ടായ ശക്തമായ ഭൂചലനത്തിന്റെ തുടര്‍ ചലനമാണ് ഗള്‍ഫ് മേഖലയില്‍ അനുഭവപ്പെട്ടത്. റിക്ടര്‍ സ്‌കെയിലില്‍ 7.3 തീവ്രത രേഖപ്പെടുത്തിയ ഭൂചലനമാണുണ്ടായത്. ബാഗ്‌ദാദില്‍ നിന്ന് 250 കിലോമീറ്റര്‍ അകലെ സുലൈമാനിയയാണ് പ്രഭവകേന്ദ്രം. ഇറാഖിലാണ് കൂടുതല്‍ പേര്‍ മരിച്ചത്.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Earthquake in gulf countries people fear

Next Story
പ്രവാസി ജീവകാരുണ്യ രംഗത്തുനിന്ന് ബാബുരാജ് വിട വാങ്ങുന്നുkeli, saudi arabia
The moderation of comments is automated and not cleared manually by malayalam.indianexpress.com