ദുബായിൽ സർക്കാർ ജീവനക്കാർക്ക് പ്രസവാവധി മൂന്ന് മാസമാക്കി

ദുബായ്: എമിറേറ്റ്‌സിലെ സർക്കാർ ജീവനക്കാർക്ക് പ്രസവാവധി മൂന്ന് മാസമായി ഉയർത്തി. ദുബായ് രാജകുമാരനും എക്‌സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദൻ ബിൻ മുഹമ്മദ് ബിൻ റാഷിദ് അൽ മക്‌തൂം ആണ് സർക്കാർ ജീവനക്കാർക്കുളള​ പുതിയ ലീവ് പോളിസി പ്രഖ്യാപിച്ചത്. 2017 മാർച്ച് മുതലാണ് പുതിയ ഉത്തരവ് നിലവിൽ വരുക.

ശമ്പളത്തോട് കൂടിയാണ് ഇക്കാലയളവിൽ അമ്മമാർക്ക് അവധി പ്രഖ്യാപിച്ചിരിക്കുന്നത്. നേരത്തെ ഇത് 60 ദിവസമായിരുന്നു. അബുദാബി, ഷാർജ എമിറേറ്റുകൾ നേരത്തെ തന്നെ പ്രസവാവധി മൂന്ന് മാസമാക്കിയിരുന്നു. യുഎഇ തലത്തിൽ സർക്കാർ മേഖലയിൽ രണ്ട് മാസവും സ്വകാര്യ മേഖലയിൽ ഒന്നര മാസവുമാണ് പ്രസവാവധി.