Latest News
ആഷിഖിന്റെ ഗോളും ഓൺഗോളും, 1-1ന് സമനിലയിൽ ബ്ലാസ്റ്റേഴ്സ്- ബെംഗുലൂരു മത്സരം

വിശ്രമജീവിതം വ്യത്യസ്തമാക്കാം; അഞ്ച് വര്‍ഷത്തെ വിസയുമായി ദുബായ്

55 വയസ് പിന്നിട്ടവര്‍ക്കായി ‘റിട്ടയര്‍ ഇന്‍ ദുബായ്’ എന്ന പേരിലാണു റസിഡന്റ് വിസ പ്രഖ്യാപിച്ചിരിക്കുന്നത്

dubai, ദുബായ്, uae, യുഎഇ, dubai announces five year retirement visa,അഞ്ച് വര്‍ഷത്തെ റിട്ടയർമെന്റ് വിസയുമായി ദുബായ്, retire in dubai visa programme, 'റിട്ടയര്‍ ഇന്‍ ദുബായ്' വിസ പദ്ധതി, five year retirement visa for resident expats in dubai, ദുബായിലെ പ്രവാസി താമസക്കാർക്ക് അഞ്ച് വര്‍ഷത്തെ റിട്ടയർമെന്റ് വിസ, dubai announces retirement visa for foreigners, വിദേശികൾക്ക് റിട്ടയർമെന്റ് വിസയുമായി ദുബായ്, how to apply for dubai retirement visa, ദുബായ് റിട്ടയർമെന്റ് വിസയ്ക്ക് എങ്ങനെ അപേക്ഷിക്കാം?, dubai tourism, ദുബായ് ടൂറിസം, uae tourism യുഎഇ ടൂറിസം, gulf news, ഗൾഫ് വാർത്തകൾ, latest news, പുതിയ വാർത്തകൾ, latest malayalam news, പുതിയ മലയാളം വാർത്തകൾ, indian express malayalam,ഇന്ത്യൻ എക്‌സ്‌പ്രസ് മലയാളം, ie malayalam, ഐഇ മലയാളം

ദുബായ്: വ്യത്യസ്തമായ വിശ്രമജീവിതം ആഗ്രഹിക്കുന്നവര്‍ക്ക് അഞ്ച് വര്‍ഷത്തെ വിസ പദ്ധതിയുമായി ദുബായ്. 55 വയസ് പിന്നിട്ടവര്‍ക്കായി ‘റിട്ടയര്‍ ഇന്‍ ദുബായ്’ എന്ന പേരിലാണു പുതിയ റസിഡന്റ് വിസ പ്രഖ്യാപിച്ചിരിക്കുന്നത്.

55 വയസിനു മുകളിലുള്ള, ദുബായില്‍ നിലവില്‍ താമസിക്കുന്നവര്‍ക്കൊപ്പം വിദേശികള്‍ക്കും റിട്ടയര്‍മെന്റ് വിസയ്ക്ക് അപേക്ഷിക്കാം. ഇതിനായി http://www.retireindubai.com എന്ന വെബ്‌സൈറ്റിലാണ് അപേക്ഷിക്കേണ്ടത്. രാജ്യത്തു താമസിക്കുന്ന പ്രവാസികള്‍ക്കു മാത്രമായുള്ള അഞ്ച് വര്‍ഷത്തെ റിട്ടയര്‍മെന്റ് വിസ പദ്ധതിയ്ക്കു 2018 ല്‍ യുഎഇ മന്ത്രിസഭ അംഗീകാരം നല്‍കിയിരുന്നു. പദ്ധതി 2019ലാണ് ആരംഭിച്ചത്.

‘റിട്ടയര്‍ ഇന്‍ ദുബായ്’ വിസ പദ്ധതിയില്‍ അപേക്ഷിക്കുന്നവര്‍ക്ക് നിക്ഷേപങ്ങളില്‍നിന്നോ പെന്‍ഷനില്‍നിന്നോ മാസം 20,000 ദിര്‍ഹം (നാല് ലക്ഷത്തോളം രൂപ) വരുമാനം ഉണ്ടായിരിക്കണം. അല്ലെങ്കില്‍ 10 ലക്ഷം ദിര്‍ഹം (രണ്ടുകോടിയോളം രൂപ) സമ്പാദ്യമോ ദുബായില്‍ 20 ലക്ഷം ദിര്‍ഹ(നാലു കോടിയോളം രൂപ)ത്തിന്റെ സ്വത്തോ ഉണ്ടായിരിക്കണം.

ആരോഗ്യ ഇന്‍ഷുറന്‍സ് പോളിസി ഉള്ളവര്‍ക്കു മാത്രമാണു റിട്ടയര്‍മെന്റ് വിസ നല്‍കുക. അപേക്ഷ സമര്‍പ്പിക്കുന്നതിന് ഒരു ദിവസം മുമ്പെങ്കിലും സാധുവായ ആരോഗ്യ ഇന്‍ഷുറന്‍സ് സമ്പാദിക്കണം. വിസ അപേക്ഷ നിരസിച്ചാല്‍ ഇന്‍ഷുറന്‍സിനായി മുടക്കിയ തുക 30 ദിവസത്തിനുള്ളില്‍ തിരികെ ലഭിക്കും. അപേക്ഷകന്റെ ജീവിത പങ്കാളിക്കും വിസ കിട്ടും. അഞ്ച് വര്‍ഷം കൂടുമ്പോള്‍ ഓണ്‍ലൈനായി വിസ പുതുക്കാം.

Also Read: ‘മഹാമാരിക്കെതിരേ ഇതു മാത്രമേ വഴിയുള്ളൂ’; ചൈനയുടെ കോവിഡ് പരീക്ഷണ വാക്‌സിന്‍ സ്വീകരിച്ച് മലയാളിയും

ദുബായിയെ വിശ്രമജീവിത ലക്ഷ്യസ്ഥാനമാക്കി മാറ്റുകയാണു പുതിയ പദ്ധതിയിലൂടെ ലക്ഷ്യമിടുന്നത്. യുഎഇ വൈസ് പ്രസിഡന്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദിന്റെ നിര്‍ദേശപ്രകാരം ദുബായ് ടൂറിസവും ജനറല്‍ ഡയറക്ടറേറ്റ് ഫോര്‍ റസിഡന്‍സി ആന്‍ഡ് ഫോറിനേഴ്സ് അഫയേഴ്സും ചേർന്നാണ് റിട്ടയര്‍ ഇന്‍ ദുബായ് പദ്ധതി ആവിഷ്‌കരിച്ചത്.

ആദ്യഘട്ടത്തില്‍ 10 വര്‍ഷത്തിലേറെയായി ദുബായില്‍ ജോലിചെയ്ത താമസക്കാരെ കേന്ദ്രീകരിച്ചായിരിക്കും പദ്ധതി നടപ്പാക്കുക. വിരമിച്ചവരെ കുടുംബാംഗങ്ങളും സുഹൃത്തുക്കളും സന്ദര്‍ശിക്കാനെത്തുന്നതു വഴി ടൂറിസം സമ്പദ് വ്യവസ്ഥ ഉയരുമെന്നാണു ദുബായ് ടൂറിസത്തിന്റെ പ്രതീക്ഷ. വിശ്രമജീവിതം നയിക്കാനെത്തുന്ന വിദേശികള്‍ക്ക് ആരോഗ്യകരമായ ജീവിത ശൈലിയാണ് ദുബായ് അധികൃതര്‍ വാഗ്ദാനം ചെയ്യുന്നത്.

Get the latest Malayalam news and Overseas news here. You can also read all the Overseas news by following us on Twitter, Facebook and Telegram.

Web Title: Dubai announces five year retirement visa programme

Next Story
‘മഹാമാരിക്കെതിരേ ഇതു മാത്രമേ വഴിയുള്ളൂ’; ചൈനയുടെ കോവിഡ് പരീക്ഷണ വാക്‌സിന്‍ സ്വീകരിച്ച് മലയാളിയുംcovid-19, കോവിഡ്-19, coronavirus, കൊറോണ വൈറസ്, covid-19 vaccine, കോവിഡ്-19 പ്രതിരോധ വാക്‌സിൻ, sinopharm, സിനോ ഫാം, covid-19 sinopharm vaccine, കോവിഡ്-19 സിനോ ഫാം വാക്‌സിൻ, covid-19 vaccine china, കോവിഡ്-19 വാക്‌സിൻ ചൈന, covid-19 vaccine india, കോവിഡ്-19 ഇന്ത്യ, covid-19 vaccine russia, കോവിഡ്-19 വാക്‌സിൻ റഷ്യ, covid-19 vaccine us, കോവിഡ്-19 വാക്‌സിൻ യുഎസ്, covid-19 vaccine japan, കോവിഡ്-19 വാക്‌സിൻ ജപ്പാൻ, oxford covid-19 vaccine, ഓക്‌സ്‌ഫോർഡ്‌ കോവിഡ്-19 വാക്‌സിൻ, covid-19 uae, കോവിഡ്-19 യുഎഇ, covid-19 dubai, കോവിഡ്-19 ദുബായ്, covid-19 abu dhabi, കോവിഡ്-19 അബുദാബി, covid-19 gulf, കോവിഡ്-19 ഗൾഫ്, covid-19 news, covid-19 വാർത്തകൾ, gulf news, ഗൾഫ് വാർത്തകൾ, latest news, ലേറ്റസ്റ്റ് ന്യൂസ്, indian express malayalam, ഇന്ത്യൻ എക്‌സ്‌പ്രസ് മലയാളം, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express