മനാമ: യൂത്ത് ഇന്ത്യ ബഹ്‌റൈന്‍ സംഘടിപ്പിച്ച ‘കൂടാരത്തിലെ കൂട്ടുകാര്‍’ ഡെസര്‍ട്ട് ക്യാംപ് യുവാക്കളില്‍ വേറിട്ട അനുഭൂതിയായി മാറി. സാക്കിറില്‍ പ്രത്യേകം തയാറാക്കിയ ടെന്റില്‍ നടന്ന ക്യാംപ് ഫ്രണ്ട്സ് സോഷ്യല്‍ അസോസിയേഷന്‍ പ്രസിഡന്റ് ജമാല്‍ ഇരിങ്ങല്‍ ഉദ്ഘാടനം ചെയ്തു. പ്രവാസത്തിന്റെ വിരസതയും ജീര്‍ണതയും ഇന്ന് യുവാക്കളില്‍ വലിയ അളവില്‍ കാണുന്നുണ്ടെന്നും അതിനെ മറികടക്കാന്‍ ഇത്തരം പരിപാടിക്ക് ഒരളവുവരെ സാധ്യമാകുമെന്നും അദ്ദേഹം അഭിപ്രായപെട്ടു.

വൈജ്ഞാനിക – വിനോദ പരിപാടികള്‍ ഉള്‍ചേര്‍ന്ന ക്യാംപ് പുത്തന്‍ അനുഭവമായിരുന്നു. യൂത്ത് ഇന്ത്യ പ്രസിഡന്റ് ടി.കെ.ഫാജിസ് ഉദ്ഘാടന ചടങ്ങിൽ അധ്യക്ഷത വഹിച്ചു. ജനറല്‍ സെക്രട്ടറി വി.കെ.അനീസ്‌ സ്വാഗതവും സക്കീര്‍ ഹുസ്സൈന്‍ ഖിറാഅത്തും നടത്തി. തുടര്‍ന്നു നടന്ന സെഷനുകളില്‍ യൂനുസ് സലിം, ബിന്‍ഷാദ് പിണങ്ങോട്, യൂനുസ് രാജ് എന്നിവര്‍ സംസാരിച്ചു. സിദ്ധാര്‍ത്ഥ ശിവ സംവിധാനം ചെയ്ത ദേശീയ അവാര്‍ഡിന് അര്‍ഹമായ ‘ഐന്‍’ സിനിമ പ്രദര്‍ശനവും നടന്നു.

സദസ്സ്

സദസ്സ്

പരിപാടികള്‍ക്ക് വി.എന്‍.മുര്‍ഷാദ്, മുഹമ്മദ്‌ മുസ്തഫ, എം.എച്ച്.സിറാജ്, ഷഫീഖ് കൊപ്പത്ത്, അബ്ദുല്‍ അഹദ് എന്നിവര്‍ നേതൃത്വം നല്‍കി.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook