അബൂദബി: യുഎഇയിൽ ഷോപ്പിങ് മാളിൽ കോവിഡ്-19 വാക്സിൻ വിതരണ കേന്ദ്രം ആരംഭിച്ചു. അബൂദബിയിലെ ഗലേറിയ മാളിലാണ് വാക്സിനേഷൻ കേന്ദ്രം ആരംഭിച്ചത്. പൊതുജനങ്ങൾക്ക് എളുപ്പത്തിൽ വാക്സിനേഷൻ കേന്ദ്രത്തിലെത്താനുള്ള സൗകര്യം ലഭ്യമാക്കുക എന്ന ലക്ഷ്യത്തിലാണ് ഷോപ്പിങ് മാളിനകത്ത് വാക്സിൻ കേന്ദ്രമാരംഭിച്ചതെന്ന് അധികൃതർ വ്യക്തമാക്കി.

“ദേശീയ പ്രതിരോധ കുത്തിവയ്പ്പ് പദ്ധതിയെ പിന്തുണയ്ക്കുന്നതിനു വേണ്ടി കോവിഡ് -19 വാക്സിനേഷൻ ബൂത്ത് ഇപ്പോൾ ഗാലേരിയ മാളിൽ പൊതുജനങ്ങൾക്കായി തുറന്നിരിക്കുന്നതായി അഭിമാനത്തോടെ പ്രഖ്യാപിക്കുന്നു,” എന്ന് ഗാലേരിയ മാനേജ്‌മെന്റ് അവരുടെ വെബ്‌സൈറ്റിൽ പറഞ്ഞു.

മുബദാല ഹെൽത്തിന്റെ നിയന്ത്രണത്തിലുള്ള വാക്സിനേഷൻ ബൂത്താണ് മാളിൽ ആരംഭിച്ചത്. വെയിട്രോസിനടുത്തുള്ള കോൺകോർസ് ലെവലിലാണ് ബൂത്ത് സ്ഥിതിചെയ്യുന്നത്. ഞായർ മുതൽ വ്യാഴം വരെയുള്ള ദിവസങ്ങളിൽ രാവിലെ 10 മുതൽ രാത്രി 7 വരെ ഈ കേന്ദ്രം തുറന്നു പ്രവർത്തിക്കും.

Read More: മൂടൽ മഞ്ഞ്: ഷാർജയിൽ ട്രക്കുകൾ നിരത്തിലിറക്കുന്നതിന് നിയന്ത്രണം

ഒരേ സമയം അഞ്ച് പേർക്ക് സാമൂഹിക അകലം പാലിച്ച് വാക്സിൻ ഡോസുകൾ നൽകാൻ ബൂത്തിൽ സൗകര്യമുണ്ട്. മുൻകൂട്ടി ബുക്ക് ചെയ്ത് വാക്സിനേഷനായി പൊതു ജനങ്ങൾക്ക് എത്തിച്ചേരാനാവും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook