ഇന്ത്യൻ സൈന്യത്തെ മോദി സേനയെന്ന് വിശേഷിപ്പിച്ച് യോഗി ആദിത്യനാഥ്. തിരഞ്ഞെടുപ്പ് റാലിയിൽ സംസാരിക്കവേയാണ് ഉത്തർപ്രദേശ് മുഖ്യമന്ത്രി കൂടിയായ യോഗി ആദിത്യനാഥ് ഇന്ത്യൻ സൈന്യത്തെ മോദി ജി കാ സേന എന്ന് പറഞ്ഞത്. ഇത് ആയുധമാക്കി ബിജെപിയ്ക്കെതിരെ ആഞ്ഞടിക്കുകയാണ് പ്രതിപക്ഷ പാർട്ടികളും.

ഞായറാഴ്ച നടന്ന തിരഞ്ഞെടുപ്പ് റാലിയിൽ സംസാരിക്കാവേ പ്രതിപക്ഷത്തിനെതിരെ സംസാരിക്കുകയായിരുന്നു യോഗി. കോൺഗ്രസ്​ തീവ്രവാദികൾക്ക്​ ബിരിയാണി കൊടുത്തു. എന്നാൽ മോദി സേന അവരെ ബുള്ളറ്റുകളും ബോംബുകളുമായി നേരിട്ടു. ഇതാണ്​ വ്യത്യാസം. എന്നായിരുന്നു യോഗിയുടെ പ്രസ്താവന. കോൺഗ്രസ് ഭീകരവാദത്തെ പിന്തുണയ്ക്കുന്നതിന്റെ ഭാഗമായാണ് മസൂദ് അസറിനെ പോലുള്ളവരെ ജി എന്ന് വിളിച്ച് അഭിസംബോധന ചെയ്യുന്നതെന്നും യോഗി പറഞ്ഞിരുന്നു.

ഇതിനെതിരെ പ്രതിപക്ഷ നേതാക്കളും രംഗത്തെത്തിയിട്ടുണ്ട്. യോഗി ആദിത്യനാഥ് ഇന്ത്യൻ സൈന്യത്തിന്റെ പേരും മാറ്റിയെന്നായിരുന്നു പ്രിയങ്ക ചതുർവേദിയുടെ പരിഹാസം. ഇത് ഇന്ത്യൻ സേനയ്ക്ക് അപമാനമാണെന്നും യോഗി മാപ്പ് ചോദിക്കണമെന്നും അവർ ആവശ്യപ്പെട്ടു. പശ്ചിമ ബംഗാൾ മുഖ്യമന്ത്രി മമത ബാനർജിയും യോഗി ആദിത്യനാഥിനെതിരെ രംഗത്തെത്തിയിരുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook