Latest News
കോവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്‍കാനാകില്ല; കേന്ദ്രം സുപ്രീം കോടതിയില്‍
തമിഴ്നാട്ടില്‍ ഒരാഴ്ചകൂടി ലോക്ക്ഡൗണ്‍ നീട്ടി
ഡല്‍ഹിയില്‍ കൂടുതല്‍ ഇളവുകള്‍ പ്രഖ്യാപിച്ചു; ബാറുകള്‍ക്ക് പ്രവര്‍ത്തനാനുമതി
ഷഫാലി വര്‍മ ഇന്ത്യന്‍ ടീമിലെ സുപ്രധാന ഘടകമാകും: മിതാലി രാജ്
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

കാണാതായ സുഖോയ് വിമാനത്തിന്റെ അവശിഷ്ടങ്ങൾ കണ്ടെത്തി, പൈലറ്റുമാരെക്കുറിച്ച് വിവരമില്ല

ഉള്‍വനത്തില്‍ നിന്നാണ് വിമാനഭാഗം കണ്ടെത്തിയത്

Tezpur: File picture of Indian Air Force's Sukhoi 30 plane. A Su30 jet with two pilots on board has gone missing after taking off from Salonibari air force station in Assam's Sonitpur district on Tuesday. PTI Photo (STORY CAL05)(PTI5_23_2017_000157B) *** Local Caption ***

ന്യൂഡൽഹി: മലയാളി ഉള്‍പ്പെടെ രണ്ട് പൈലറ്റുമായി ചൈനാ അതിര്‍ത്തിക്ക് സമീപം കാണാതായ വ്യോമസേനയുടെ സുഖോയ്-30 വിമാനത്തിന്റെ അവശിഷ്ടങ്ങള്‍ കണ്ടെത്തി. ഉള്‍വനത്തില്‍ നിന്നാണ് വിമാനഭാഗം കണ്ടെത്തിയത്. അതേസമയം, വിമാനത്തിലുണ്ടായിരുന്ന പൈലറ്റുമാരെ കുറിച്ച് വിവരമൊന്നും ലഭിച്ചിട്ടില്ല. ഇവര്‍ക്കായി തിരച്ചില്‍ തുടരുകയാണ്. പൈലറ്റുമാർ ജീവനോടെ ഉണ്ടാകാനാണ് സാധ്യത എന്നാണ് എയർ ഫോഴ്സ് വൃത്തങ്ങൾ പറയുന്നത്. പ്രതീകൂലമായ കാലാവസ്ഥ തിരച്ചിലിന്റെ വേഗത കുറച്ചിട്ടുണ്ട് എന്നും വ്യോമസേന വൃത്തങ്ങൾ പറഞ്ഞു.

കഴിഞ്ഞ ദിവസം അസമിൽ കാണാതായ വ്യോമസേനയുടെ വിമാനത്തിൽ രണ്ടു പൈലറ്റുകളാണുണ്ടായിരുന്നത്. കോഴിക്കോട് പന്തീരാങ്കാവ് പന്നിയൂർകുളം സ്വദേശിയായ അച്ചുദേവ് (25) ആണ് വിമാനം പറത്തിയിരുന്നത്. ഉത്തരേന്ത്യക്കാരനായ സ്‌ക്വാഡ്രന്‍ ലീഡറാണ് കാണാതായ മറ്റൊരു പൈലറ്റ്. തേസ്പൂരില്‍ നിന്നും പുറപ്പെട്ട വിമാനവുമായുള്ള റഡാര്‍ ബന്ധം നഷ്ടമായിരുന്നു. വനപ്രദേശത്ത് അപ്രത്യക്ഷമായ വിമാനം കണ്ടെത്താനുള്ള ശ്രമത്തിലാണ് സൈന്യം.

അച്ചുദേവിനെ കാണാനില്ലെന്ന് അറിഞ്ഞതോടെ രക്ഷിതാക്കൾ അസമിലേക്ക് തിരിച്ചിട്ടുണ്ട്. പന്നിയൂർകുളം വള്ളിക്കുന്ന് പറമ്പിൽ സഹദേവന്റെയും ജയശ്രീയുടെയും മകനാണ് അച്ചുദേവ്. ഇവർ തിരുവനന്തപുരത്താണ് സ്ഥിരതാമസം.

ചൈന അതിര്‍ത്തിക്ക് സമീപത്ത് വെച്ചാണ് റഡാര്‍ ബന്ധം നഷ്ടപ്പെട്ടതെന്നാണ് വിവരം. മാര്‍ച്ചില്‍ സുഖോയ്-30എംകെഐ ജെറ്റ് വിമാനം രാജസ്ഥാനിലെ ബര്‍മറില്‍ തകര്‍ന്ന് വീണിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Wreckage of missing iaf su 30 jet found no information on pilots india china

Next Story
നാറ്റോ ഗ്രൂപ്പ് ഫോട്ടോയിൽ നടുവിൽ സ്ഥാനം ലഭിക്കാൻ മോണ്ടെനെഗ്രോ പ്രധാനമന്ത്രിയെ തട്ടിമാറ്റുന്ന ട്രംപ്; വീഡിയോ ചർച്ചയാകുന്നു
The moderation of comments is automated and not cleared manually by malayalam.indianexpress.com