മു​സാ​ഫ​ര്‍​ന​ഗ​ർ: കാമുകിയുമായി യുവാവ് ഒളിച്ചോടിയതിന് പകരം യുവാവിന്റെ അമ്മയെ യുവതിയുടെ ബന്ധുക്കൾ കൂട്ട ബലാത്സംഗം ചെയ്തു. ഉത്തർപ്രദേശ് ശ്യാമിലി ജില്ലയിലാണ് സംഭവം. ഗാസിയാബാദിലെ ഭോപുര സ്വദേശിയായ യുവാവാണ് ഇവിടെ പഠിക്കുകയായിരുന്ന പെൺകുട്ടിയെ പ്രണയിച്ച് നാട് വിട്ടത്.

പെൺകുട്ടിയെ തിരക്കിയെത്തിയ യുവതിയുടെ ബന്ധുക്കൾ യു​വാ​വി​ന്‍റെ സ​ഹോ​ദ​ര​ൻ, അ​മ്മ, അ​ച്ഛ​ൻ, സ​ഹോ​ദ​രി ഭ​ർ​ത്താ​വ് എ​ന്നി​വ​രെ ഡി​സം​ബ​ർ 19 ന് ​ത​ട്ടി​ക്കൊ​ണ്ടു​പോ​യി. ഇവരെ ദിവസങ്ങളോളം ബന്ധിയാക്കി മർദ്ദിച്ചതായാണ് ആരോപണം. 40കാരിയായ യുവാവിന്റെ അമ്മയെ ഇവർ കൂട്ടബലാത്സംഗം ചെയ്തു.

ഇവരെ കാണാതായതായി റിപ്പോർട്ട് ലഭിച്ച പൊലീസ് നടത്തിയ തിരച്ചിലിലാണ് സംഭവം പുറത്തറിഞ്ഞത്. ക്രിസ്മസ് ദിനത്തിലാണ് നാല് പേരെയും തടവിൽ നിന്ന് മോചിപ്പിച്ചത്. ത​ട്ടി​ക്കൊ​ണ്ടു​പോ​ക​ല്‍, ത​ട​വി​ല്‍ പാ​ര്‍​പ്പി​ക്ക​ല്‍, കൂ​ട്ട​ബ​ലാ​ത്സം​ഗം തു​ട​ങ്ങി​യ കു​റ്റ​ങ്ങ​ള്‍ ചു​മ​ത്തി​ യുവതിയുടെ ബന്ധുക്കൾക്കെതിരെ കേസെടുത്തു. യുവതിയുടെ സഹോദരൻ മുൻ ഗ്രാമമുഖ്യനാണെന്നാണ് വിവരം. ഇയാളുടെ നേതൃത്വത്തിലായിരുന്നു അക്രമം.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook