Latest News
ശിവന്‍കുട്ടിക്ക് വിദ്യാഭ്യാസ മന്ത്രിയായി തുടരാന്‍ അര്‍ഹതയില്ല; രാജി ആവശ്യവുമായി പ്രതിപക്ഷം
കര്‍ണാടക: ബസവരാജ് ബൊമ്മെ മുഖ്യമന്ത്രിയായി സത്യപ്രതിജ്ഞ ചെയ്തു

രാഹുല്‍ ജിയുടെ തീരുമാനം എന്താണെങ്കിലും അംഗീകരിക്കും: സച്ചിന്‍ പൈലറ്റ്

പാര്‍ട്ടിയുടെ അഭിമാനം കാത്ത് സൂക്ഷിക്കേണ്ടത് നമ്മുടെ കടമയാണെന്ന് പ്രവര്‍ത്തകരോട് സച്ചിന്‍ പൈലറ്റ്

ജയ്പൂർ: രാജസ്ഥാനിൽ മുതിർന്ന കോൺഗ്രസ് നേതാവ് അശോക് ഗെലോട്ടുമായും സച്ചിന്‍ പൈലറ്റുമായും കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി ചര്‍ച്ച നടത്തി. പാര്‍ട്ടി പ്രവര്‍ത്തകരോട് സമാധാനം പാലിക്കണമെന്ന് സച്ചിന്‍ പൈലറ്റ് ട്വിറ്ററിലൂടെ ആവശ്യപ്പെട്ടു. ‘നേതൃത്വത്തില്‍ എനിക്ക് വിശ്വാസമുണ്ട്. രാഹുല്‍ ഗാന്ധിജിയുടേയും സോണിയജിയുടേയും തീരുമാനം എന്തായാലും അംഗീകരിക്കും. പാര്‍ട്ടിയുടെ അഭിമാനം കാത്ത് സൂക്ഷിക്കേണ്ടത് നമ്മുടെ കടമയാണ്. പാര്‍ട്ടിക്ക് വേണ്ടി സമര്‍പ്പിതരായവരാണ് നമ്മള്‍,’ സച്ചിന്‍ വ്യക്തമാക്കി.

അശോക് ഗെലോട്ട് മുഖ്യമന്ത്രിയാകുമെന്നാണ് സൂചന. ഒൗദ്യോഗിക പ്രഖ്യാപനം ഉടനുണ്ടാകുമെന്നാണ് പുറത്തുവരുന്ന റിപ്പോർട്ട്. ഇപ്പോൾ ഡൽഹിയിലുള്ള ഗെലോട്ട് ഉടൻ ജയ്പൂരിലേക്ക് തിരിക്കും. മുഖ്യമന്ത്രി സ്ഥാനത്തേക്ക് അശോക് ഗെലോട്ടും സച്ചിൻ പൈലറ്റും തമ്മിൽ ഒരു ശീതമത്സരം ഉണ്ടെന്ന് നേരത്തെ വ്യക്തമായിരുന്നു. അതുകൊണ്ടു തന്നെ ഇരുവരെയും ഇന്നലെ ഹൈക്കമാൻഡ് ഡൽഹിക്ക് വിളിച്ചിട്ടുണ്ടായിരുന്നു.

കൂടാതെ ഇന്നലെ നടന്ന നിയമസഭാ കക്ഷി യോഗത്തിൽ സ്വതന്ത്ര എം.എൽ.എമാർ സച്ചിൻ പൈലറ്റിനെ മുഖ്യമന്ത്രിയാക്കണമെന്ന് ആവശ്യപ്പെട്ടിരുന്നു. പി.സി.സി അദ്ധ്യക്ഷൻ എന്ന നിലയിൽ പാർട്ടി ശക്തിപ്പെടുത്തിയതിന്റെ അംഗീകാരമായി മുഖ്യമന്ത്രി പദം നൽകണമെന്ന് സച്ചിന്റെ അനുയായികളും വാദിക്കുന്നു. എന്നാൽ ഭൂരിപക്ഷത്തിന്റെ വക്കിൽ നിൽക്കുന്ന സാഹചര്യത്തിൽ പരിചയ സമ്പന്നനായ മുൻ മുഖ്യമന്ത്രി അശോക് ഗെലോട്ടിനെ പരിഗണിക്കണമെന്ന വാദവും ഉണ്ടായിരുന്നു. ഗെലോട്ടും സച്ചിൻ പൈലറ്റും എ. ഐ. സി. സി ജനറൽ സെക്രട്ടറി അവിനാശ് പാണ്ഡെയും ഉൾപ്പെട്ട സംഘം ഇന്നലെ രാത്രി ഗവർണർ കല്യാൺ സിംഗിനെ കണ്ട് ചർച്ച നടത്തിയിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Will go by sonia rahuls decision says sachin pilot

Next Story
കൊടും വനത്തില്‍ ധ്യാനത്തിലിരുന്ന ബുദ്ധ സന്ന്യാസിയെ പുലി കടിച്ചുകൊന്നു
The moderation of comments is automated and not cleared manually by malayalam.indianexpress.com