/indian-express-malayalam/media/media_files/uploads/2018/05/flipflipkart-759.jpg)
FILE PHOTO: A Common myna sits next to the logo of India's e-commerce firm Flipkart installed on the company's office in Bengaluru, India April 12, 2018. REUTERS/Abhishek N. Chinnappa/File Photo
ബെംഗളൂരു: ഇന്ത്യയിൽ ഓൺലൈൻ മാർക്കറ്റിൽ വിപ്ലവം സൃഷ്​ടിച്ച ഫ്ലിപ്​കാർട്ടി​​ന്റെ മുഖ്യ ഓഹരികൾ അമേരിക്ക കേന്ദ്രമായ ബഹുരാഷ്​ട്ര സൂപ്പർ മാർക്കറ്റ്​ കമ്പനി വാൾമാർട്ട്​ വാങ്ങി. ഇന്ത്യയിലെ ഏറ്റവും വലിയ ഓൺലൈൻ റീ​ട്ടൈല് മാർക്കറ്റായ ഫ്ലിപ്​കാർട്ടി​​​ന്റെ 70 ശതമാനം ഓഹരിയും വാങ്ങുന്ന വിവരം നേരത്തെ​ വാൾമാർട്ട്​ അറിയിച്ചിരുന്നെങ്കിലും ഇന്ന്​ ഔദ്യോഗികമായി ​പ്രഖ്യാപിച്ചു. ഇതിനായി വാൾമാർട്ട്​ ചീഫ്​ എക്​സിക്യൂട്ടീവ്​ ഡഗ്​ മക്​മില്ലർ ഇന്ത്യയിലെത്തിയിരുന്നു. ഫ്ലിപ്പ്കാർട്ടിന്റെ 77 ശതമാനം ഓഹരികളാണ് വാൾമാർട്ട് സ്വന്തമാക്കിയത്. 20 ബില്യൺ ഡോളറിനാണ് (ഏദേശം 101017 കോടി രൂപയ്&ക്ക്) ഏറ്റെടുക്കൽ എന്നാണ് റിപ്പോർട്ട്.
ഫ്ലിപ്കാര്ട്ടിലെ ഏറ്റവും കൂടുതല് ഓഹരികളുളള സോഫ്റ്റ് ബാങ്ക് സ്ഥാപകന് മസയോഷി സണ് ഇത് സംബന്ധിച്ച് സ്ഥിരീകരിച്ചിട്ടുണ്ട്. ബെംഗളൂരു അടിസ്ഥാനമായുള്ള കമ്പനിയില് 23 ശതമാനം ഓഹരി പങ്കാളിത്തമായിരുന്നു സോഫ്റ്റ് ബാങ്കിനുണ്ടായിരുന്നത്. ചൊവ്വാഴ്ച രാത്രിയാണ് ഇത് സംബന്ധിച്ച തീരുമാനമായത്. വാൾമാർട്ട്​ ഫ്ലിപ്​കാർട്ടിനെ സ്വന്തമാക്കിയതോടെ സ്ഥാപകനും ചെയർമാനുമായ സച്ചിൻ ബൻസാൽ സ്ഥാനം രാജിവയ്ക്കും.
2007 ൽ ബെംഗളൂരുവി​ലെ രണ്ടുമുറി ​കെട്ടിടത്തിൽ സുഹൃത്തായ ബിന്നി ബൻസാലിനൊപ്പം തുടങ്ങിയ സംരംഭമാണ് കോടികളുടെ വ്യാപാരം നടക്കുന്ന ഭീമൻ ഓണ്ലൈന് ശൃംഖലയായി വളർന്നത്​. സച്ചിന്​ ശേഷം ഫ്ലിപ്​കാർട്ടി​​​ന്റെ ഗ്രൂപ്പ്​ സിഇഒ ആയ ബിന്നി ബൻസാലായിരിക്കും ചെയർമാ​​​​ന്റെ കസേരയിലിരിക്കുക.
Stay updated with the latest news headlines and all the latest Lifestyle news. Download Indian Express Malayalam App - Android or iOS.
/indian-express-malayalam/media/agency_attachments/RBr0iT1BHBDCMIEHAeA5.png)
Follow Us