scorecardresearch
Latest News

പൊട്ടിത്തെറിച്ച് രാഹുല്‍ ഗാന്ധി; ‘വഴി മുടക്കിയ’ പൊലീസുകാരനെ തളളി മാറ്റി

‘നിങ്ങള്‍ക്ക് എങ്ങനെ എന്നെ തടയാന്‍ കഴിയും’ എന്ന് പറഞ്ഞ രാഹുല്‍ ഒരു ഉദ്യോഗസ്ഥനെ തള്ളിമാറ്റി വണ്ടിയിലേക്ക് തിരിച്ചു കയറി

പൊട്ടിത്തെറിച്ച് രാഹുല്‍ ഗാന്ധി; ‘വഴി മുടക്കിയ’ പൊലീസുകാരനെ തളളി മാറ്റി

ന്യൂഡൽഹി: മധ്യപ്രദേശ് വെടിവെപ്പിൽ ​കൊല്ലപ്പെട്ട കർഷകരുടെ ബന്ധുക്കളെ സന്ദർശിക്കാന്‍ എത്തവെ വഴി തടഞ്ഞ പൊലീസ് ഉദ്യോഗസ്ഥനെ തളളിമാറ്റി കോൺഗ്രസ് ഉപാദ്ധ്യക്ഷൻ രാഹുൽ ഗാന്ധി. രാജസ്ഥാന്‍- മധ്യപ്രദേശ് അതിര്‍ത്തിയില്‍ വെച്ച് തടയാന്‍ ശ്രമിക്കവെയാണ് ക്ഷുഭിതനായ രാഹുല്‍ വണ്ടിയില്‍ നിന്നും പുറത്തേക്കിറങ്ങിയത്.

‘നിങ്ങള്‍ക്ക് എങ്ങനെ എന്നെ തടയാന്‍ കഴിയും’ എന്ന് പറഞ്ഞ രാഹുല്‍ ഒരു ഉദ്യോഗസ്ഥനെ തള്ളിമാറ്റി വണ്ടിയിലേക്ക് തിരിച്ചു കയറി. പിന്നീട് രാഹുലിനെ പൊലീസ് കരുതൽ തടങ്കലിലാക്കി. ഉദയ്​പൂർ വിമാനത്താവളത്തിൽ നിന്ന്​ കാറിൽ യാത്ര ആരംഭിച്ച രാഹുൽ നാടകീയമായി യാത്ര ​ബൈക്കിലേക്കു മാറ്റി. പിന്നീട്​ കാൽനടയായും യാത്ര തുടർന്നെങ്കിലും പൊലീസ്​ തടയുകയായിരുന്നു.

പൊലീസ് ബാരിക്കേഡുകൾ മറികടന്ന് കടക്കാൻ ശ്രമിക്കുന്നതിനിടയിലാണ് രാഹുൽ ഗാന്ധിയെ അറസ്റ്റ് ചെയ്തതെന്ന് പിടിഐ റിപ്പോർട്ട് ചെയ്തു. എന്നാൽ കാരണം കാണിക്കാതെയാണ് തന്നെ അറസ്റ്റ് ചെയ്യുന്നതെന്ന് രാഹുൽ ഗാന്ധി പറഞ്ഞു. നേരത്തെ പൊലീസ് വെടിവെപ്പിൽ അഞ്ച് കർഷകർ കൊല്ലപ്പെട്ട മധ്യപ്രദേശിലെ മന്ദ്​സോറിൽ സന്ദർശിക്കാൻ രാഹുൽ ഗാന്ധിക്ക് പൊലീസ് അനുമതി നിഷേധിച്ചിരുന്നു.

എട്ടു ദിവസമായി മന്ദ്​സോറിൽ പ്രക്ഷോഭം നടക്കുകയാണ്​. പ്രക്ഷോഭ സ്​ഥലത്ത്​ ദ്രുതകർമ്മ ​സേനയെ നിയോഗിച്ചിട്ടുണ്ട്​. ഇന്ത്യൻ കർഷകർക്ക്​​ മേൽ വീണ മരണ ശാപമാണ്​ ബി.ജെ.പിയെന്ന്​ കോൺഗ്രസ്​ വാക്​താവ്​ അഭിഷേക്​ സിങ്​വി പറഞ്ഞു. കർഷക പ്രക്ഷോഭം കോൺഗ്രസ്​ ഹൈജാക്ക്​ ചെയ്യുകയാണെന്ന്​ ബിജെപിയും ആരോപിച്ചു.

കാർഷിക ഉത്​പന്നങ്ങൾ താങ്ങുവില നിശ്​ചയിക്കണമെന്നും കാർഷിക വായ്​പ എഴുതിത്തള്ളണമെന്നും ആവശ്യപ്പെട്ടാണ്​ സമരം നടക്കുന്നത് .സമരക്കാർക്കിടയിലേക്ക്​ നടന്ന ​പൊലീസ്​ വെടി​വെപ്പിൽ അഞ്ചു പേരാണ്​ കൊല്ലപ്പെട്ടത്​.

Read More : മധ്യപ്രദേശ് വെടിവെപ്പ്: സന്ദർശിക്കാനെത്തിയ രാഹുൽ ഗാന്ധിയെ അറസ്റ്റ് ചെയ്തു

Stay updated with the latest news headlines and all the latest News news download Indian Express Malayalam App.

Web Title: Video rahul gandhi pushes policeman says how can you stop me