ബാഗ്ദാദ്: ഇസ്‌ലാമിക് സ്റ്റേറ്റ് ഭീകരരുടെ പ്രധാന താവളമായ മൊസൂള്‍ നഗരം ഇറാഖി സൈന്യം പൂർണമായും തിരിച്ചുപിടിച്ചെന്ന് റിപ്പോര്‍ട്ട്. മൊസൂളിൽ ഇറാഖി സൈന്യം ആഹ്ലാദപ്രകടനം നടത്തുന്ന ദൃശ്യങ്ങള്‍ പുറത്തുവന്നു. ഐഎസ് തങ്ങളുടെ ഖലീഫത്ത് ആയി പ്രഖ്യാപിച്ച നഗരമാണ് മൊസൂൾ. 9 വർഷം മുൻപാണ് 2000 ഇസ്ലാമിക് സ്റ്റേറ്റ് ഭീകരർ ചേർന്ന് മൊസൂൾ നഗരം പിടിച്ചെടുത്തത്. സാധാരണക്കാരെ മനുഷ്യകവചമാക്കിയാണ് ഐഎസ് ഈ നഗരം പിടിച്ച്​ എടുത്തത്. ൻപതുമാസം നീണ്ട പോരാട്ടത്തിനൊടുവിലാണ് ഇറാഖിലെ രണ്ടാമത്തെ വലിയ നഗരമായ മൊസൂൾ, ഐഎസിൽനിന്ന് സൈന്യം തിരിച്ചുപിടിച്ചത്

സൈനികരുടെ പോരാട്ടം അന്തിമ വിജയത്തിലേക്കാണെന്ന സൂചനകളാണ് ലഭിക്കുന്നത്. മൊസൂളിന്റെ ഭൂരിഭാഗവും പിടിച്ചെടുത്ത് ഇറാഖ് സേന വിജയം ഉറപ്പിച്ചു. ഇന്നലെ നടന്ന ഏറ്റുമുട്ടലിൽ ഐഎസ് ഭീകരർ 35 കൊല്ലപ്പെടുകയും 5 പേരെ കസ്റ്റഡിയിൽ എടുക്കുകയും ചെയ്തു. മൊസൂള്‍ കീഴടക്കിയാല്‍ സമീപത്തെ ഗ്രാമങ്ങള്‍ കേന്ദ്രീകരിച്ച് ഐഎസ് ആക്രമണം തുടരുമെന്നാണ് സൂചന.

ഇറാക്ക് തലസ്ഥാനമായ ബാഗ്ദാദിൽ നിന്ന് 400 കിലോമീറ്റർ ദുരെ സ്ഥിതി ചെയ്യുന്ന പുരാതന നഗരമാണ് മൊസൂൾ. 2014ലാണ് ഐഎസ് ഭീകരർ മൊസൂളിന്‍റെ നിയന്ത്രണം പിടിച്ചെടുത്തത്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ