വാക്‌സിനെടുത്തത് 2.24 ലക്ഷം പേര്‍; പാര്‍ശ്വഫലങ്ങളുണ്ടായത് 447 പേര്‍ക്ക്: ആരോഗ്യമന്ത്രാലയം

ആന്ധ്രാപ്രദേശ്, അരുണാചൽ പ്രദേശ്, കർണാടക, കേരളം, മണിപ്പൂർ, തമിഴ്‌നാട് എന്നിവിടങ്ങളിളാണ് ഇന്ന് കുത്തിവയ്പ്പ് നടന്നത്

Covid Vaccination Day, കോവിഡ്, Covid Vaccination India, കോവിഡ് വാക്സിനേഷൻ, Covid Vaccination First Phase India, Covid Vaccination Kerala, Covid Vaccination News, കോവിഡ് വാക്സിനേഷൻ ഇന്ത്യ, കോവിഡ് വാക്സിൻ വിതരണം ഇന്ത്യയിൽ, കോവിഡ് വാക്സിൻ വിതരണം ആദ്യ ഘട്ടം, കോവിഡ് വാക്സിൻ വിതരണം കേരളത്തിൽ, കോവിഡ് വാക്സിൻ വിതരണം വാർത്തകൾ, IE Malayalam, ഐഇ മലയാളം,Coronavirus, Covid-19, Coronavirus vaccine, Covid-19 vaccine, vaccination centres, Astrazenca, India vaccine, Indian Express

ന്യൂഡൽഹി: കഴിഞ്ഞ രണ്ടു ദിവസമായി രാജ്യത്ത് കോവിഡ് വാക്സിൻ കുത്തിവെപ്പെടുത്ത 2,24,301 പേരിൽ 447 പേര്‍ക്ക് നേരിയ പാർശ്വഫലങ്ങൾ ഉണ്ടായതായി കേന്ദ്ര ആരോഗ്യ മന്ത്രാലയം. 447 പേരിൽ മൂന്ന് പേർക്ക് മാത്രമാണ് ആശുപത്രിയിൽ പ്രവേശിക്കേണ്ടി വന്നിട്ടുള്ളതെന്നും ആരോഗ്യമന്ത്രാലയം അഡീഷണൽ സെക്രട്ടറി മനോഹർ അഗ്നാനി വാർത്താ സമ്മേളനത്തിൽ അറിയിച്ചു.

“ഇന്ന് ഞായറാഴ്ച ആയതിനാൽ ആറ് സംസ്ഥാനങ്ങൾ മാത്രമാണ് വാക്സിനേഷൻ ഡ്രൈവ് നടത്തിയത്, 553 സെഷനുകളിൽ ആകെ 17,072 ഗുണഭോക്താക്കൾക്ക് വാക്സിനേഷൻ നൽകി,” അദ്ദേഹം പറഞ്ഞതായി വാർത്താ ഏജൻസി പിടിഐ റിപ്പോർട്ട് ചെയ്യുന്നു.

ആന്ധ്രാപ്രദേശ്, അരുണാചൽ പ്രദേശ്, കർണാടക, കേരളം, മണിപ്പൂർ, തമിഴ്‌നാട് എന്നിവിടങ്ങളിളാണ് ഇന്ന് കുത്തിവയ്പ്പ് നടന്നത്.

Read More: രാജ്യത്ത് ആദ്യ ദിനം കോവിഡ് വാക്സിൻ സ്വീകരിച്ചത് 1.91 ലക്ഷം പേർ

ജനുവരി 16, 17 തീയതികളിൽ രോഗപ്രതിരോധ കുത്തിവയ്പ്പിനെത്തുടർന്ന് 447 പ്രതികൂല സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. അതിൽ മൂന്ന് പേർക്ക് മാത്രമാണ് ആശുപത്രിയിൽ പ്രവേശിക്കേണ്ടി വന്നത്. പനി, തലവേദന, ഓക്കാനം എന്നീ ചെറിയ അസ്വസ്ഥതകളാണ് അധികവും റിപ്പോര്‍ട്ട് ചെയ്തതെന്നും അദ്ദേഹം പറഞ്ഞു.

ഡല്‍ഹിയിലെ എയിംസിലും, നോര്‍ത്തേണ്‍ റെയില്‍വേ ആശുപത്രിയിലും ചികിത്സ തേടിയ രണ്ട് പേരെ ഇതിനോടകം ഡിസ്ചാര്‍ജ് ചെയ്തു. ഒരാള്‍ എയിംസില്‍ നിരീക്ഷണത്തില്‍ തുടരുകയാണെന്നും ഇയാളുടെ ആരോഗ്യനില നിലവില്‍ തൃപ്തികരമാണെന്നും മനോഹര്‍ അഗ്നാനി വ്യക്തമാക്കി.

ആഴ്ചയില്‍ നാല് ദിവസം പ്രതിരോധ കുത്തിവെയ്‌പ്പെടുക്കാനുള്ള പദ്ധതികള്‍ ആസൂത്രണം ചെയ്യാന്‍ സംസ്ഥാനങ്ങളോട് കേന്ദ്രം ആവശ്യപ്പെട്ടു. ചില സംസ്ഥാനങ്ങള്‍ വാക്‌സിനേഷന്‍ തിയതി ഇതിനോടകം പ്രഖ്യാപിച്ചു കഴിഞ്ഞു. ആഴ്ചയില്‍ ആറ് ദിവസം വാക്‌സിനേഷന്‍ നടത്താന്‍ ആന്ധ്രാപ്രദേശ് സര്‍ക്കാര്‍ അനുമതി തേടിയതായും മനോഹര്‍ അഗ്നാനി പറഞ്ഞു.

രാജ്യത്ത് കോവിഡ് വാക്സിനേഷൻ ദൗത്യത്തിന്റെ ആദ്യ ദിനത്തിൽ 1,91,181 പേർക്കാണ് വാക്സിൻ നൽകിയത്. രാജ്യത്താകെ 16,755 വാക്സിനേറ്റർമാർ ആദ്യദിനം ഈ പ്രക്രിയയിൽ പങ്കാളികളായിട്ടുണ്ട്. കോവിഡ് വാക്‌സിനേഷൻ വിതരണം ഉദ്ഘാടനം ചെയ്തു സംസാരിക്കവെ കോവിഡ് വാക്‌സിൻ സ്വീകരിച്ച ശേഷവും ജാഗ്രത തുടരണമെന്ന് പ്രധാനമന്ത്രി നരേന്ദ്ര മോദി പറഞ്ഞിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Vaccination day 2 224301 immunised 447 cases of adverse reaction

Next Story
ഡല്‍ഹിയില്‍ വാക്‌സിനെടുത്ത 51 പേര്‍ക്ക് നേരിയ ആരോഗ്യപ്രശ്‌നം, ഒരാളെ ആശുപത്രിയില്‍ പ്രവേശിപ്പിച്ചുDelhi coronavirus news, ഡൽഹി കൊറോണ വൈറസ്, delhi covid-19 vaccination drive, കോവിഡ് വാക്സിൻ, delhi covid-19 vaccine adverse events, indian express news
The moderation of comments is automated and not cleared manually by malayalam.indianexpress.com