ഔരയ്യ അപകടം: മൃതദേഹങ്ങളേയും പരുക്കേറ്റവരേയും ഒരേ ലോറിയില്‍ അയച്ച് ഉത്തര്‍പ്രദേശ്‌

ലക്‌നൗ: ഔരയ്യ അപകടത്തില്‍ മരിച്ച അന്യസംസ്ഥാന തൊഴിലാളികളുടെ മൃതദേഹങ്ങളും പരുക്കേറ്റവരേയും ഒരേ ട്രക്കില്‍ ജാര്‍ഖണ്ഡിലേക്ക് അയച്ച് ഉത്തര്‍പ്രദേശ് സര്‍ക്കാര്‍. ഇതേതുടര്‍ന്ന്, ജാര്‍ഖണ്ഡ് മുഖ്യമന്ത്രി ഹേമന്ത് സോറന്‍ രൂക്ഷമായ പ്രതികരണവുമായി എത്തി.

സംഭവത്തെ മനുഷ്യത്വരഹിതമെന്ന് അദ്ദേഹം അപലപിച്ചു. മരിച്ചവരുടേയും ജീവിച്ചിരിക്കുന്നവരുടേയും അന്തസിനെ ഈ മനുഷ്യത്വരഹിത സംഭവം കൊള്ളയടിച്ചുവെന്ന് അദ്ദേഹം പറഞ്ഞു.

The bodies of workers killed in #AuraiyaAccident were finally transferred into this ambulance after @HemantSorenJMM objected to victims bodies being bundled into plastic, thrown into the back of open truck, with those still alive and injured. No words some days. pic.twitter.com/2pBLIYcYKV

— barkha dutt (@BDUTT) May 19, 2020

ശനിയാഴ്ച രാവിലെയാണ് ഉത്തര്‍പ്രദേശിലെ ഔരയ്യയില്‍ അപകടമുണ്ടായത്. സംഭവത്തില്‍ 26 തൊഴിലാളികള്‍ മരിക്കുകയും 30-ല്‍ അധികം പേര്‍ക്ക് പരുക്കേല്‍ക്കുകയും ചെയ്തിരുന്നു. പഞ്ചാബില്‍ നിന്നും രാജസ്ഥാനില്‍ നിന്നും വന്ന ലോറികള്‍ കൂട്ടിയിടിച്ചാണ് അപകടം നടന്നത്.  മരിച്ചവരില്‍ 11 പേര്‍ ജാര്‍ഖണ്ഡുകാരും മറ്റുള്ളവര്‍ ബംഗാളില്‍ നിന്നുമുള്ളവരാണ്.

In an open truck, UP sent bodies of those workers killed in #AuraiyaAccident, in plastic bags, placed on ice slabs that melted, along with those who were injured. @HemantSorenJMM objected and an ambulance was then arranged. Look at this. It says everything about these 2 months pic.twitter.com/vOiZaQTw14

— barkha dutt (@BDUTT) May 19, 2020

മൃതദേഹങ്ങളേയും പരുക്കേറ്റവരേയും മൂന്ന് ലോറികളിലായി ഉത്തര്‍പ്രദേശ് സര്‍ക്കാര്‍ കയറ്റിവിടുകയായിരുന്നു. സോറന്റെ പ്രതികരണത്തെ തുടര്‍ന്ന് മൃതദേഹങ്ങളെ ആംബുലന്‍സിലേക്ക് മാറ്റി യാത്ര തുടര്‍ന്നു.