Latest News

ബിജെപി നേതാക്കളെ നടുറോഡിൽ പാഠം പഠിപ്പിച്ച് പൊലീസ് ഉദ്യോഗസ്ഥ

രാത്രിയിൽ കുടുംബത്തെ വിട്ട് ഞങ്ങൾ ജോലിക്കു വരുന്നത് തമാശയ്ക്കല്ല, ജോലി ചെയ്യാനാണ്. നിങ്ങളെപ്പോലുളളവരാണ് നിങ്ങളുടെ പാർട്ടിക്ക് (ബിജെപി) ചീത്തപ്പേര് ഉണ്ടാക്കുന്നത്

women police officer, uttar pradesh

ബുലന്ദ്ഷാഹർ (ഉത്തർപ്രദേശ്): പൊലീസിനെതിരെ മുദ്രാവാക്യം വിളിച്ച ബിജെപി നേതാക്കളെ നടുറോഡിൽ കൈകാര്യം ചെയ്ത് വനിതാ പൊലീസ് ഉദ്യോഗസ്ഥ. വേണ്ടത്ര രേഖകളില്ലാതെ വാഹനം ഓടിച്ചതിന് കഴിഞ്ഞ ദിവസം ബിജെപി നേതാവിന് പിഴ ചുമത്തുകയും അറസ്റ്റ് ചെയ്യുകയും ചെയ്തിരുന്നു. ഇതിനെ തുടർന്നാണ് ബിജെപി നേതാക്കൾ പൊലീസിനെതിരെ മുദ്രാവാക്യം വിളികളുമായി നടുറോഡിലേക്കിറങ്ങിയത്.

സംഭവ സ്ഥലത്തെത്തിയ വനിതാ പൊലീസ് ഉദ്യോഗസ്ഥ ശ്രേസ്ത ഠാക്കൂർ പ്രവർത്തകർക്ക് നൽകിയ നല്ല ഉഗ്രൻ മറുപടിയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ”നിങ്ങൾ മുഖ്യമന്ത്രിയുടെ അടുത്തുപോയി വാഹനം പരിശോധിക്കാൻ പൊലീസിന് അധികാരമില്ലെന്ന് എഴുതി വാങ്ങിക്കൊണ്ടുവരിക. അല്ലാതെ ഞങ്ങൾക്ക് ഞങ്ങളുടെ ജോലി ചെയ്യാതിരിക്കാൻ കഴിയില്ല. രാത്രിയിൽ കുടുംബത്തെ വിട്ട് ഞങ്ങൾ ജോലിക്കു വരുന്നത് തമാശയ്ക്കല്ല, ജോലി ചെയ്യാനാണ്. നിങ്ങളെപ്പോലുളളവരാണ് നിങ്ങളുടെ പാർട്ടിക്ക് (ബിജെപി) ചീത്തപ്പേര് ഉണ്ടാക്കുന്നത്. നിങ്ങൾ ബിജെപിയുടെ ഗുണ്ടകളാണെന്ന് ജനങ്ങൾ അധികം വൈകാതെ തന്നെ പറയും. ജനങ്ങൾക്ക് ബുദ്ധിമുട്ടുണ്ടാക്കിയാൽ കൂടുതൽ വകുപ്പുകൾ ചേർത്ത് അകത്തിടും”- ഇതായിരുന്നു പൊലീസ് ഉദ്യോഗസ്ഥ ബിജെപി പ്രവർത്തകരോട് പറഞ്ഞത്.

വെളളിയാഴ്ചയാണ് വേണ്ടത്ര രേഖകളില്ലാതെ യാത്ര ചെയ്തതിന് ബിജെപി പ്രവർത്തകനായ പ്രമോദ് ലോധിക്ക് പിഴ ചുമത്തിയത്. എന്നാൽ ഇയാൾ പൊലീസ് ഉദ്യോഗസ്ഥരോട് വളരെ മോശമായി പെരുമാറി. തുടർന്നാണ് ഇയാളെ അറസ്റ്റ് ചെയ്തത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Uttar pradeshs woman cop stands up to bullies tells them she is doing her job

Next Story
പാക്കിസ്ഥാനില്‍ ഇന്ധന ടാങ്കറിനു തീപിടിച്ചു; 123 പേർ വെന്തു മരിച്ചു, നൂറിലധികം പേർക്ക് പരുക്ക്pakistan, oil tanker
The moderation of comments is automated and not cleared manually by malayalam.indianexpress.com