റിപ്പബ്ലിക് ദിന റാലിയെ ചൊല്ലി ഉത്തർപ്രദേശിൽ വീണ്ടും വർഗ്ഗീയ സംഘർഷം; ജനക്കൂട്ടം കടകൾക്ക് തീയിട്ടു

സമാധാനത്തിന് ആഹ്വാനം ചെയ്ത് മുഖ്യമന്ത്രി യോഗി ആദിത്യനാഥിന്റെ ട്വീറ്റ്

ലക്‌നൗ: ഉത്തർപ്രദേശിലെ കാസ്‌ഗഞ്ചിൽ ഉടലെടുത്ത സാമുദായിക സംഘർഷത്തിന് അയവില്ല. റിപ്പബ്ലിക് ദിനത്തിൽ അനുമതിയില്ലാതെ നടത്തിയ റാലിയാണ് കലാപത്തിന് കാരണമായത്. കലാപക്കാർ കടകൾക്ക് തീയിട.കയും വാഹനങ്ങൾ അഗ്നിക്കിരയാക്കുകയും ചെയ്തു. സംഘർഷവുമായി ബന്ധപ്പെട്ട് 9 പേരെ അറസ്റ്റ് ചെയ്തതായി യുപി പൊലീസ് അറിയിച്ചു. സ്ഥിതിഗതികൾ നിയന്ത്രിക്കാൻ കൂടുതൽ പൊലീസിനെ സ്ഥലത്ത് വിന്യസിച്ചിട്ടുണ്ട്.

ഒരു വിഭാഗം നടത്തിയ ത്രിവർണ്ണ യാത്രയിൽ ഉയർത്തിയ മുദ്രാവാക്യങ്ങൾ മറ്റൊരു കൂട്ടർ ചോദ്യം ചെയ്തതോടെയാണ് സംഘർഷത്തിന് തുടക്കമിട്ടത്. ബൈക്ക് റാലി നടത്തിയവരും മറുവിഭാഗവും തമ്മിൽ വാക്കേറ്റവും പിന്നീട് കൈയ്യാങ്കളിയിലേക്കും എത്തി. ഇതിനിടെയാണ് വെടിവയ്പ് ഉണ്ടായി. സംഘം തിരിഞ്ഞ് ഇരു വിഭാഗവും നടത്തിയ വെടിവയ്പിൽ ഒരാൾ കൊല്ലപ്പെട്ടു. മറ്റൊരാൾക്ക് പരുക്കേറ്റു.

ചന്ദൻ ഗുപ്ത (22) ആണ് കൊല്ലപ്പെട്ടത്. നൗഷാദ് എന്നയാൾ പരുക്കേറ്റ് ആശുപത്രിയിലാണ്. ചന്ദന് നെഞ്ചിലും നൗഷാദിന് കാലിലുമാണ് വെടിയേറ്റത്. സംഘർഷത്തിന് പിന്നാലെ സമാധാനത്തിന് ആഹ്വാനം ചെയ്ത് മുഖ്യമന്ത്രി യോഗി ആദിത്യനാഥ് ട്വിറ്ററിൽ ട്വീറ്റ് ചെയ്തു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Uttar pradesh kasganj communal violence republic day motorcycle rally killed injured

Next Story
ഇസ്ലാമിക് സ്റ്റേറ്റ് ചാവേറെന്ന് സംശയം; പ്ലസ് വൺ വിദ്യാർത്ഥിനി കാശ്മീരിൽ പിടിയിൽKashmir Valley, Srinagar, Hizbul mujahidhin, ഹിസ്ബുൾ, കാശ്മീർ വാലി, ശ്രീനഗർ, ഇന്ത്യൻ സൈന്യം, സബ്‌സർ അഹമ്മദ് ഭട്ട്
The moderation of comments is automated and not cleared manually by malayalam.indianexpress.com