ന്യൂയോർക്ക്: വിദേശ പൗരന്മാർക്ക് അമേരിക്ക അനുവദിക്കുന്ന താത്കാലിക ഔദ്യോഗിക തൊഴിൽ വിസയിൽ നിയന്ത്രണം ഏർപ്പെടുത്തി. എച്ച് 1 ബി വിസ ക്യൂവിൽ അധിക ഫീസ് നൽകി മുന്നിലെത്താനുള്ള സൗകര്യമാണ് അടുത്ത ആറ് മാസത്തേക്ക് നിർത്തിവച്ചിരിക്കുന്നത്. എച്ച് 1 ബി വിസ പരിഗണിക്കുന്നതിൽ വരുന്ന കാലതാമസം ഒഴിവാക്കാനാണ് നടപടിയെന്നാണ് ഇപ്പോൾ ഔദ്യോഗികമായി ലഭിക്കുന്ന വിശദീകരിക്കണം.

യു.എസ് വിദേശകാര്യ മന്ത്രാലയമാണ് പുതിയ ഉത്തരവ് പ്രഖ്യാപിച്ചിരിക്കുന്നത്. സാധാരണ എച്ച് 1 ബി വിസ അനുവദിക്കുന്നതിന് മൂന്ന് മാസം വരെ സമയമെടുക്കാറുണ്ട്. അധിക ഫീസ് നൽകിയാൻ രണ്ടാഴ്ചയ്‌ക്കകം വിസ കന്പനികൾക്ക് ലഭിക്കാറുണ്ട്. ഇന്ത്യയിലെ ടെക് സ്ഥാപനങ്ങളിൽ നിന്നുള്ളവരാണ് കൂടുതലായും എച്ച് 1 ബി വിസ ഉപഭോക്താക്കൾ. എന്നാൽ നിലവിലെ സാഹചര്യത്തിൽ ഇത് ടെക്കികൾക്ക് ദോഷകരമാകില്ലെന്നാണ് വിലയിരുത്തൽ. 1125 ഡോളർ (₹75000) ആണ് അധിക ഫീസ് ഒരാൾക്ക് ഈടാക്കിയിരുന്നത്.

കടുത്ത പ്രാദേശിക വാദത്തിന്റെ വക്താവായ ഡൊണാൾഡ് ട്രംപ് അമേരിക്കൻ പ്രസിഡന്റായി അധികാരത്തിൽ എത്തിയത് മുതൽ വിദേശ രാജ്യങ്ങളിൽ നിന്നുള്ളവർക്ക് അമേരിക്കയിൽ താമസിക്കുന്നതിനുള്ള നിയമങ്ങളിൽ നിയന്ത്രണം വന്നിരുന്നു. ഇത് ഇന്ത്യയിൽ നിന്നുള്ള എച്ച് 1 ബി വിസ ഉള്ളവരെയും ബാധിച്ചേക്കുമെന്ന് സംശയം ഉയർന്നിരുന്നു. പുതിയ നിയന്ത്രണങ്ങൾ അമേരിക്കയിലേക്കുള്ള പ്രവേശനം നിയന്ത്രിക്കാനുള്ള നടപടിയായാണ് വീക്ഷിക്കപ്പെടുന്നത്. ഇതിൽ ഇന്ത്യൻ കന്പനികൾക്ക് ആശങ്കയുണ്ട്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ