സിറിയക്കെതിരായ ആക്രമണം; തിരിച്ചടിക്കുമെന്ന് റഷ്യ; അമേരിക്കയ്ക്കും സഖ്യകക്ഷികൾക്കും മുന്നറിയിപ്പ്

വ്ലാഡിമർ പുടിനെ പരാമർശിച്ച് അമേരിക്കൻ പ്രസിഡന്റ് ഡോണൾഡ് ട്രംപ് നടത്തിയ പ്രസ്താവന റഷ്യയെ കൂടുതൽ രോഷാകുലരാക്കി

Syria Russia,Syria Attack US,Syria US Strike,US UK France
Damascus is seen as the U.S. launches an attack on Syria targeting different parts of the capital early Saturday, April 14, 2018. Syria's capital has been rocked by loud explosions that lit up the sky with heavy smoke as U.S. President Donald Trump announced airstrikes in retaliation for the country's alleged use of chemical weapons. (AP Photo/Hassan Ammar)

ദമാസ്‌കസ്: രാസായുധ ആക്രമണത്തിന്റെ പേരിൽ അമേരിക്ക സിറിയയിൽ നടത്തിയ വ്യോമാക്രമണത്തിനെതിരെ പ്രതിഷേധവുമായി റഷ്യ.

“വീണ്ടും ഞങ്ങളെ ഭയപ്പെടുത്താൻ ശ്രമിക്കുകയാണ്,” അമേരിക്കയിലെ റഷ്യൻ അംബാസഡർ പറഞ്ഞു. “ഇത്തരത്തിലുളള നടപടികൾക്ക് തിരിച്ചടി ഉണ്ടാകുമെന്ന മുന്നറിയിപ്പാണിത്. അതിന്റെ എല്ലാ ഉത്തരവാദിത്വവും വാഷിങ്ടണിനും ലണ്ടനും പാരീസിനും മാത്രമായിരിക്കും,” അദ്ദേഹം വ്യക്തമാക്കി.

“റഷ്യൻ പ്രസിഡന്റിനെ അപമാനിക്കുന്നത് അംഗീകരിക്കാനാവില്ല,” എന്നും അദ്ദേഹം വ്യക്തമാക്കി. കഴിഞ്ഞ ദിവസം സിറിയ ആക്രമിക്കുമെന്ന സൂചനകൾ നൽകിയ ട്രംപ്, റഷ്യൻ പ്രസിഡന്റ് വ്ലാഡിമർ പുടിനെ പേരെടുത്ത് പറഞ്ഞാണ് വിമർശിച്ചത്. ഇതാണ് റഷ്യയെ കൂടുതൽ പ്രകോപിപ്പിച്ചത്.

സിറിയയിലെ ബാഷർ അൽ അസദ് ഭരണകൂടത്തിനെതിരെ ദീർഘകാലമായി വിമത പോരാട്ടം ശക്തമാണ്. ജനങ്ങളിൽ വലിയൊരു വിഭാഗം സർക്കാരിനെതിരെ രംഗത്ത് വരികയും ശക്തമായ പ്രക്ഷോഭം സംഘടിപ്പിക്കുകയും ചെയ്തിരുന്നു. പിന്നീടിത് സായുധ പോരാട്ടത്തിലേക്ക് എത്തി.

വിമതരെ അമർച്ച ചെയ്യാൻ വിവിധ പ്രദേശങ്ങളിൽ രാസായുധങ്ങൾ ബാഷർ അൽ അസദ് ഭരണകൂടം പ്രയോഗിച്ചിരുന്നു. കുട്ടികളായിരുന്നു ഇതിൽ ഏറെയും ഇരകളായത്. നേരത്തേ തന്നെ അമേരിക്കയും സഖ്യകക്ഷികളും ഇതിനെതിരെ രംഗത്ത് വന്നിരുന്നു.

സിറിയയ്ക്ക് റഷ്യയാണ് ഏറ്റവും അധികം പിന്തുണ പ്രഖ്യാപിച്ചിട്ടുളളത്. അമേരിക്കയ്ക്ക് ഒപ്പം ബ്രിട്ടനും ഫ്രാൻസും നിലയുറപ്പിച്ചിട്ടുണ്ട്. ഇന്നലെ അമേരിക്കയുടെ വിമാനവാഹിനി കപ്പൽ ഉപയോഗിച്ചായിരുന്നു സിറിയക്കെതിരെ ആക്രമണം നടത്തിയത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Us attack on syria russia warns of consequences

Next Story
ലോക്‌സഭ തിരഞ്ഞെടുപ്പ് ഇസ്‌ലാമും ഭഗവാനും തമ്മിലുളള യുദ്ധം; വർഗീയ പ്രസ്താവനയുമായി ബിജെപി നേതാവ്
The moderation of comments is automated and not cleared manually by malayalam.indianexpress.com