യോഗി ആദിത്യനാഥിന് വധഭീഷണി മുഴക്കിയ പത്താം ക്ലാസുകാരൻ ആരാണ് ?

“അവൻ ചെറിയ കുട്ടിയാണ്. എന്ത് സാഹചര്യത്തിലാണ് അവൻ ഇങ്ങനെയൊരു സന്ദേശം അയച്ചതെന്ന് അറിയില്ല. ഗ്രാമത്തിൽ ആർക്കും ഒരു ഉപദ്രവും ചെയ്യാത്ത ആളാണ് അവൻ,” കുടുംബാംഗങ്ങൾ പറഞ്ഞു

Yogi Aadithyanath

ലക്‌നൗ: ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് വധഭീഷണി മുഴക്കിയ 15 വയസുകാരൻ ആഗ്ര സ്വദേശിയാണ്. കുടുംബത്തിലെ വളരെ അടുത്തൊരു ബന്ധുവിന്റെ വിവാഹത്തിനു തയ്യാറെടുക്കുന്നതിനിടെയാണ് ഈ കുട്ടിയെ തേടി യുപി പൊലീസ് എത്തുന്നത്. മുഖ്യമന്ത്രി യോഗി ആദിത്യനാഥിന് വധഭീഷണി മുഴക്കിയെന്ന പേരിൽ പൊലീസ് ഈ കുട്ടിയെ അറസ്റ്റ് ചെയ്തു.

സംസ്ഥാന ഹെൽപ് ലൈന്‍ നമ്പറിലേക്ക് വാട്‌സാപ്പ് വഴി വധഭീഷണി സന്ദേശം അയച്ചെന്നാണ് പൊലീസ് ആരോപിക്കുന്നത്. ക്രിമിനൽ കുറ്റത്തിനു ഗോൾഫ് സിറ്റി പൊലീസ് സ്റ്റേഷനിൽ എഫ്ഐആർ റജിസ്റ്റർ ചെയ്തിട്ടുണ്ട്.

വീട്ടിൽ നിന്നു കുട്ടിയെ പിടികൂടിയ ശേഷം ജുവനൈൽ ഹോമിലേക്ക് മാറ്റി. പൊലീസ് വീട്ടിലെത്തിയപ്പോഴാണ് കുടുംബാംഗങ്ങൾ സംഭവിച്ച കാര്യങ്ങളെ കുറിച്ച് അറിയുന്നത്. കുട്ടി സാധാരണ രീതിയിൽ വീട്ടിൽ പെരുമാറിയിരുന്നതായും കൂടുതൽ സമയം കളിക്കാനാണ് ചെലവഴിച്ചിരുന്നതെന്നും വീട്ടുകാർ പറയുന്നു.

Read Also: ജനരോഷം ഇരമ്പി, സർക്കാർ വഴങ്ങി; കർഷക പ്രതിഷേധം തുടരുന്നു

പത്താം ക്ലാസിലാണ് അവൻ പഠിക്കുന്നത്. കൂടുതൽ സമയം കളിക്കാൻ ചെലവഴിക്കും. വോളിഫോളാണ് ഇഷ്ട കായിക വിനോദം. സ്‌കൂളിൽ വിവിധ വിഷയങ്ങളെ കുറിച്ചുള്ള ചർച്ചകളിൽ പങ്കെടുക്കാറുണ്ടെന്നും വീട്ടുകാർ പറയുന്നു.

“അവൻ ചെറിയ കുട്ടിയാണ്. എന്ത് സാഹചര്യത്തിലാണ് അവൻ ഇങ്ങനെയൊരു സന്ദേശം അയച്ചതെന്ന് അറിയില്ല. ഗ്രാമത്തിൽ ആർക്കും ഒരു ഉപദ്രവും ചെയ്യാത്ത ആളാണ് അവൻ. കുട്ടി ഉപദ്രവകാരിയാണെന്ന് ഇവിടെ ആരും പറയില്ല. ബോറടിച്ചപ്പോൾ ഒരു തമാശ മട്ടിൽ അവൻ ചെയ്‌തതാകും ഇത്. അവനോട് നേരിട്ട് സംസാരിച്ചാലേ ബാക്കി കാര്യങ്ങൾ അറിയൂ. എന്നാൽ, ഒരു ക്രിമിനലിനെ പോലെയാണ് അവനെ വീട്ടിൽ നിന്നു പൊലീസ് കൊണ്ടുപോയത്, ” കുട്ടിയുടെ മുത്തശ്ശി പറഞ്ഞു.

“സ്‌പോർട്‌സ് ക്വാട്ടയിലൂടെ ഒരു സർക്കാർ ജോലി വാങ്ങിക്കുകയായിരുന്നു കുട്ടിയുടെ ലക്ഷ്യം. സംസ്ഥാനത്തിനും രാജ്യത്തിനും വേണ്ടി വോളിബോൾ കളിക്കണമെന്നും അവൻ ആഗ്രഹിച്ചിരുന്നു,” കുടുംബാംഗങ്ങൾ പറഞ്ഞു.

“ഒരു പത്താം ക്ലാസുകാരനെ സംസ്ഥാനത്തിന്റെ ശത്രു എന്ന നിലയിലാണ് ചിത്രീകരിച്ചത്. അവന് നല്ലൊരു കൗൺസിലിങ് നൽകുകയോ എന്താണ് ശരിയെന്നും തെറ്റെന്നും പറഞ്ഞു മനസിലാക്കുകയോ ആണ് ചെയ്യേണ്ടത്,” പത്താം ക്ലാസുകാരന്റെ സഹോദരൻ പറഞ്ഞു.

ജുവനൈൽ ഹോമിലേക്ക് മാറ്റിയ കുട്ടിയുമായി വീട്ടുകാർ ഫോണിൽ സംസാരിച്ചു. താൻ സുഖമായിരിക്കുന്നുവെന്നും വീട്ടിലേക്ക് മടങ്ങിവരാൻ ആഗ്രഹിക്കുന്നുവെന്നും കുട്ടി പറഞ്ഞതായി കുടുംബാംഗങ്ങൾ വ്യക്തമാക്കി.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Up cops take away 15 year old for threatening yogi adityanath

Next Story
ജന്തര്‍മന്തറിലേക്കല്ലാതെ ഡല്‍ഹിക്കില്ല; കടുപ്പിച്ച് കര്‍ഷകർ; സമരകേന്ദ്രം മാറ്റിയാൽ ചർച്ച നടത്താമെന്ന് ആഭ്യന്തരമന്ത്രിfarmers protest,കർഷക പ്രക്ഷോഭം, farmers protest delhi, ഡൽഹിയിൽ കർഷക പ്രക്ഷോഭം, delhi Police, ഡൽഹി പൊലീസ്, farmers protest, കർഷക പ്രക്ഷോഭം,  punjab farmers protest, പഞ്ചാബ് കർഷക പ്രക്ഷോഭം, hariyana farmers protest, ഹരിയാന കർഷക പ്രക്ഷോഭം, rajsthan farmers protest, രാജസ്ഥാൻ കർഷക പ്രക്ഷോഭം, delhi chalo protest, ഡൽഹി ചലോ കർഷക പ്രക്ഷോഭം, farmers protest live news, കർഷക പ്രക്ഷോഭ വാർത്തകൾ, farmers protest in delhi, farmers protest today, കർഷക പ്രക്ഷോഭം ഇന്ന്, new farms act, പുതിയ കാർഷിക നിയമങ്ങൾ, indian express malayalam, ഇന്ത്യൻ എക്‌സ്‌പ്രസ് മലയാളം, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com