scorecardresearch

രണ്ടാം ലോക മഹായുദ്ധകാലത്തെ ബോംബ് കണ്ട് ലണ്ടൻ നഗരം ഭയന്നുവിറച്ചു

ലണ്ടൻ സിറ്റി വിമാനത്താവളത്തിന് സമീപത്ത് നിന്നാണ് ബോംബ് കണ്ടെത്തിയത്

london airport closed. london flights cancelled, world war 2 bomb, bomb found in London, london airport shut, london news
FILE PHOTO: Aircraft stand idle at City Airport after a protest closed the runway causing flights to be delayed, in London, Britain September 6, 2016. REUTERS/Eddie Keogh/File Photo

ലണ്ടൻ: തൈംസ് നദിക്കരയിൽ രണ്ടാം ലോക മഹായുദ്ധ കാലത്തെ പൊട്ടാത്ത ബോംബ് കണ്ടെത്തിയതിനെ തുടർന്ന് ലണ്ടൻ സിറ്റി എയർപോർട്ട് തിങ്കളാഴ്ച അടച്ചുപൂട്ടി. ഇവിടെ നിന്ന് പുറപ്പെടേണ്ട വിമാനങ്ങൾക്ക് പുറമേ ഇവിടേക്കുളള വിമാനങ്ങളും റദ്ദാക്കി. 214 ചതുരശ്ര മീറ്റർ പ്രദേശത്ത് ആളുകളെ ഒഴിപ്പിച്ചു.

റോയൽ നേവിയുടെ സഹായത്തോടെ ബോംബ് നിർവീര്യമാക്കാനുളള ശ്രമങ്ങൾ പുരോഗമിക്കുകയാണ്. ഈ പ്രദേശത്തെ താമസക്കാർക്ക് അടിയന്തിര സഹായം ഏർപ്പെടുത്തുന്നതിന് എല്ലാവിധ ഏർപ്പാടുകളും സജ്ജീകരിച്ചിരുന്നു. ജോർജ് വി ഡോക്കിന് സമീപം ഞായറാഴ്ച വൈകിട്ടാണ് ബോംബ് കണ്ടെത്തിയതെന്ന് പൊലീസ് പറഞ്ഞു.

സിറ്റി എയർപോർട്ടിലെ നിർമ്മാണ പ്രവർത്തനങ്ങളുടെ മുന്നൊരുക്കങ്ങൾ നടത്തുന്നതിനിടെയാണ് ബോംബ് കണ്ടെത്തിയത്. സമീപത്ത് മറ്റെവിടെയെങ്കിലും സമാനമായ ബോംബുകൾ ഉണ്ടോയെന്ന് തിരച്ചിൽ നടത്തുകയാണ്. അതേസമയം യാത്രക്കാർക്ക് നേരിട്ട അസൗകര്യം പരിഹരിക്കാൻ സാധ്യമായതെല്ലാം ചെയ്യുമെന്ന് എയർപോർട്ട് അതോറിറ്റി വ്യക്തമാക്കി.

Stay updated with the latest news headlines and all the latest News news download Indian Express Malayalam App.

Web Title: Unexploded world war ii era bomb closes london city airport