ലഡാക്കിനെ ചൈനയുടെ ഭാഗമായി കാണിച്ചു; മാപ്പ് പറഞ്ഞ് ട്വിറ്റർ

ഇന്ത്യയുടെ വികാരം വ്രണപ്പെടുത്തിയതിൽ ക്ഷമ ചോദിക്കുന്നുവെന്നും നവംബർ 30 നകം ജിയോ ടാഗിംഗ് തെറ്റ് തിരുത്താൻ ശ്രമിച്ചുകൊണ്ടിരിക്കുകയാണെന്നും ട്വിറ്റർ സത്യവാങ്മൂലത്തിൽ പറയുന്നു

ന്യൂഡൽഹി: ജിയോ ലൊക്കേഷൻ സേവനത്തിൽ ലേയെ ചൈനയുടെ ഭാഗമാണെന്ന് കാണിച്ച് ഇന്ത്യയിലെ ജനങ്ങളുടെ വികാരം വ്രണപ്പെടുത്തിയതിന് സോഷ്യൽ മീഡിയ ഭീമനായ ട്വിറ്റർ പാർലമെന്ററി പാനലിന് രേഖാമൂലം മാപ്പ് എഴുതി നൽകിയതായി ബിജെപി എംപി മീനാക്ഷി ലേഖി പറഞ്ഞു. നവംബർ 30 നകം പിശക് പരിഹരിക്കാൻ കമ്പനിയോട് ആവശ്യപ്പെട്ടിട്ടുണ്ട്.

പാർലമെൻറ് കമ്മിറ്റി മുമ്പാകെ ട്വിറ്റർ ഇങ്ക് സത്യവാങ്മൂലം നൽകിയിട്ടുണ്ട്. സാൻ ഫ്രാൻസിസ്കോ ആസ്ഥാനമായി പ്രവർത്തിക്കുന്ന ട്വിറ്ററിന്റെ ചീഫ് പ്രൈവസി ഓഫീസർ ഡാമിയൻ കീരനാണ് സത്യവാങ്മൂലത്തിൽ ഒപ്പിട്ടതെന്ന് മീനാക്ഷി ലേഖി പറഞ്ഞതായി എൻ‌ഡി‌ടി‌വി റിപ്പോർട്ട് ചെയ്യുന്നു.

ഇന്ത്യയുടെ വികാരം വ്രണപ്പെടുത്തിയതിൽ ക്ഷമ ചോദിക്കുന്നുവെന്നും നവംബർ 30 നകം ജിയോ ടാഗിംഗ് തെറ്റ് തിരുത്താൻ ശ്രമിച്ചുകൊണ്ടിരിക്കുകയാണെന്നും ട്വിറ്റർ സത്യവാങ്മൂലത്തിൽ പറയുന്നു.

രാജ്യത്ത് ബിസിനസ്സ് നടത്താൻ ആഗ്രഹിക്കുന്ന ഏതൊരു കമ്പനിയും അതിന്റെ നിയമങ്ങൾ പാലിക്കേണ്ടതുണ്ടെന്ന് പാനലിന്റെ മേധാവിയായ മീനാക്ഷി ലേഖി പറഞ്ഞു.

മൈക്രോ ബ്ലോഗിംഗ് വെബ്‌സൈറ്റിന്റെ ജിയോ ലൊക്കേഷൻ സവിശേഷത ലഡാക്കിലെ ഏറ്റവും വലിയ പട്ടണമായ ലേയെ ചൈനയുടെ ഭാഗമായി കാണിച്ചതിന് ശേഷം സോഷ്യൽ മീഡിയയിൽ വിമർശനങ്ങൾ ഉയർന്നിരുന്നു.

കഴിഞ്ഞ മാസം സ്വകാര്യ ഡാറ്റാ പ്രൊട്ടക്ഷൻ ബിൽ പരിശോധിക്കുന്ന ട്വിറ്റർ ഇന്ത്യ അധികൃതർ പാർലമെന്ററി ജോയിന്റ് കമ്മിറ്റിക്ക് മുമ്പാകെ ഹാജരായിരുന്നു. ഇക്കാര്യത്തിൽ ഇന്ത്യയുടെ വൈകാരികത തങ്ങൾക്ക് മനസ്സിലായെന്ന് ഒക്ടോബറിൽ ട്വിറ്റർ വിശദീകരണം നൽകിയതായി മീനാക്ഷി ലേഖി ഒക്ടോബറിൽ പറഞ്ഞിരുന്നു. ട്വിറ്റർ നൽകിയ വിശദീകരണം അപര്യാപ്തമാണെന്നും മീനാക്ഷി ലേഖി പറഞ്ഞു.

“ഇത് അപര്യാപ്തമാണ്. ഇത് കേവലം വൈകാരികതയുടെ ഒരു ചോദ്യമല്ല. ഇത് ഇന്ത്യയുടെ പരമാധികാരത്തിനും സമഗ്രതയ്ക്കും എതിരാണ്,” അവർ പറഞ്ഞു. ജിയോ ടാഗിംഗ് തകരാർ വേഗത്തിൽ പരിഹരിച്ചതായി യോഗത്തിന് ശേഷം ട്വിറ്റർ വക്താവ് പറഞ്ഞിരുന്നു.

രാജ്യത്തിന്റെ പരമാധികാരത്തോടും സമഗ്രതയോടും ഉള്ള അനാദരവ് അംഗീകരിക്കാനാവില്ലെന്ന് കേന്ദ്ര സർക്കാർ കഴിഞ്ഞ മാസം
ട്വിറ്ററിന് നൽകിയ കത്തിൽ മുന്നറിയിപ്പ് നൽകിയിരുന്നു.

ചൈനയുടെ പീപ്പിൾസ് ലിബറേഷൻ ആർമി യഥാർത്ഥ നിയന്ത്രണ രേഖ ലംഘിച്ച ഏപ്രിൽ മുതൽ ഇന്ത്യയും ചൈനയുടെ സൈനികരും കിഴക്കൻ ലഡാക്കിൽ തമ്പടിച്ചിരിക്കുകയാണ്. ജൂണിൽ ഗാൽവാൻ താഴ്‌വരയിൽ ചൈനീസ് സൈനികരുമായുള്ള ഏറ്റുമുട്ടലിൽ 20 ഇന്ത്യൻ സൈനികർ മരിച്ചിരുന്നു.

പ്രതിസന്ധി പരിഹരിക്കുന്നതിനായി ഇരുരാജ്യങ്ങളും സൈനിക, നയതന്ത്ര തലത്തിലുള്ള നിരവധി ചർച്ചകൾ നടത്തിയിട്ടുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Twitter submitted written apology for showing leh in china bjp mp

Next Story
കോവിഡ് വാക്‌സിന്‍: ഫൈസർ 95 ശതമാനം വിജയകരം, ഇനി നിർണായക കടമ്പCovid-19 Vaccine, കോവിഡ്-19 വാക്‌സിന്‍, russia coronavirus vaccine,റഷ്യ കൊറോണവൈറസ് വാക്‌സിന്‍, russia covid-19 vaccine, റഷ്യ കോവിഡ്-19 വാക്‌സിന്‍, russia vaccine, റഷ്യ വാക്‌സിന്‍,putin vaccine, putin coronavirus vaccine, പുടിന്‍ കൊറോണവൈറസ് വാക്‌സിന്‍, russian vaccine name, റഷ്യന്‍ വാക്‌സിന്‍ പേര്, russian vaccine price, റഷ്യന്‍ വാക്‌സിന്‍ വില, Russian vaccine in market, റഷ്യന്‍ വാക്‌സിന്‍ വിപണിയില്‍, russian vaccine india, റഷ്യന്‍ വാക്‌സിന്‍ ഇന്ത്യ, Russian vaccine news, റഷ്യന്‍ വാക്‌സിന്‍ വാര്‍ത്ത, iemalayalam, ഐഇമലയാളം
The moderation of comments is automated and not cleared manually by malayalam.indianexpress.com