'അടുത്ത ആക്രമണം ഭീകരമായിരിക്കും'; ഇറാന് മുന്നറിയിപ്പുമായി ട്രംപ്

വാഷിംഗ്ടൺ: ആണവ കരാറിലെത്താൻ തയ്യാറല്ലെങ്കിൽ ഇറാൻ ഗുരുതരമായ സൈനിക നടപടി നേരിടേണ്ടിവരുമെന്ന മുന്നറിയിപ്പുമായി യുഎസ് പ്രസിഡന്റ് ഡൊണാൾഡ് ട്രംപ്. കരാറിലെത്താൻ വിസമ്മതിച്ചാൽ അമേരിക്ക നടത്തുന്ന അടുത്ത ആക്രമണം ഇതിലും ഭീകരമായിരിക്കും എന്നും ട്രംപ് ഭീഷണി മുഴക്കി.

അമേരിക്കയുടെ വിമാനവാഹിനിക്കപ്പലായ എബ്രഹാം ലിങ്കൺ നയിക്കുന്ന ഒരു വലിയ കപ്പൽപ്പട മേഖലയിലേക്ക് നീങ്ങുകയാണെന്നും, ഏറെ ശക്തിയോടും ആവേശത്തോടും നിശ്ചയദാർഢ്യത്തോടും കൂടിയാണ് നാവികപ്പട നീങ്ങുന്നതെന്നും തന്റെ സോഷ്യൽ മീഡിയ പ്ലാറ്റ്‌ഫോമായ ട്രൂത്ത് സോഷ്യലിൽ ട്രംപ് കുറിച്ചു.

Also Read: 'ദാദ' ഒഴിഞ്ഞ കസേര; പവാർ സാമ്രാജ്യത്തിൽ ഇനി ആര് വാഴും?

ആണവായുധങ്ങൾ പൂർണ്ണമായും ഉപേക്ഷിക്കുന്ന രീതിയിലുള്ള നീതിപൂർണ്ണമായ കരാറിനായി ഇറാൻ എത്രയും വേഗം ചർച്ചയ്ക്ക് തയ്യാറാകണമെന്നും ട്രംപ് ആവശ്യപ്പെട്ടു. സമയം അതിക്രമിച്ചു കൊണ്ടിരിക്കുകയാണും ട്രംപ് ഓർമ്മിപ്പിച്ചു. ഒന്നാം ഭരണകാലത്ത് ഇറാനുമായുള്ള ആണവ കരാറിൽ നിന്ന് പിന്മാറിയ ട്രംപ്, 'ഓപ്പറേഷൻ മിഡ്നൈറ്റ് ഹാമർ' എന്ന് വിളിക്കപ്പെടുന്ന മുൻ അമേരിക്കൻ ആക്രമണവും ചൂണ്ടിക്കാട്ടി.

Also Read: എല്ലാ കരാറുകളുടെയും മാതാവ്; ഇന്ത്യ-യൂറോപ്യൻ യൂണിയൻ വ്യാപാര കരാർ നിർമ്മാണ-സേവന മേഖലകൾക്ക് കരുത്താകുമെന്ന് മോദി

ഇറാന്റെ ആണവ പദ്ധതികൾക്കെതിരെ കർശന നിലപാടാണ് ട്രംപ് സ്വീകരിച്ചുവരുന്നത്. ഇറാന്റെ ഭാഗത്തുനിന്നും അനുകൂല നടപട് ഉണ്ടായില്ലെങ്കിൽ മേഖലയിൽ വലിയ സൈനിക സംഘർഷത്തിന് സാധ്യതയുണ്ടെന്ന സൂചനയാണ് പുതിയ മുന്നറിയിപ്പ് വ്യക്തമാക്കുന്നത്.

Read More: 'V' ഫോർ വിജയ്, 'V' ഫോർ വേളച്ചേരി; 2026 ലെ തിരഞ്ഞെടുപ്പിൽ ചെന്നൈ സീറ്റ് ലക്ഷ്യമിട്ട് ടിവികെ അധ്യക്ഷൻ