വാ​ഷിങ്ട​ൺ: നാല് വര്‍ഷം മുമ്പ് ഭീകരസംഘടനയായ ഇസ്‌ലാമിക് സ്റ്റേറ്റില്‍ ചേരാന്‍ പോയ ഷമീമ ബീഗത്തിന്റെ പൗരത്വം റദ്ദ് ചെയ്യുമെന്ന് ബ്രിട്ടന്‍ അറിയിച്ചു. സിറിയയില്‍ ഇസ്‌ലാമിക് സ്റ്റേറ്റിന്റെ പതനത്തോടെ കുഞ്ഞിനേയും കൊണ്ട് സ്വന്തം രാജ്യത്തേക്ക് തിരികെ വരാന്‍ തയാറായ ഷമീമ വാര്‍ത്തകളില്‍ നിറഞ്ഞിരുന്നു. ഷമീമയുടെ കുടുംബത്തെ ബ്രിട്ടീഷ് സര്‍ക്കാര്‍ ഇത് സംബന്ധിച്ച് അറിയിച്ചിട്ടുണ്ട്.

ഇപ്പോള്‍ സിറിയയിലെ അഭയാര്‍ത്ഥി കേന്ദ്രത്തിലാണ് ഷമീമയും കുഞ്ഞും താമസിക്കുന്നത്. യുവതിക്ക് പൗരത്വം നഷ്ടപ്പെട്ടാലും കുഞ്ഞിന് നിഷേധിക്കരുതെന്ന് കഴിഞ്ഞ ദിവസം ആഭ്യന്തര സെക്രട്ടറി ബ്രിട്ടീഷ് പാര്‍ലമെന്റിനെ അറിയിച്ചിരുന്നു.

അതേസമയം, അമേരിക്കയില്‍ നിന്നും ഐ​എ​സി​ൽ ചേ​രാ​ൻ സി​റി​യ​യി​ലേ​ക്കു​പോ​യ യു​വ​തി​യെ തി​രി​കെ രാ​ജ്യ​ത്ത് പ്ര​വേ​ശി​പ്പി​ക്കി​ല്ലെ​ന്ന് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് വ്യക്തമാക്കിയിട്ടുണ്ട്. ട്വി​റ്റ​റി​ലാ​ണ് ട്രം​പ് ഇ​ക്കാ​ര്യം അ​റി​യി​ച്ച​ത്. യു​വ​തി​യെ രാ​ജ്യ​ത്ത് പ്ര​വേ​ശി​പ്പി​ക്കേ​ണ്ട​തി​ല്ലെ​ന്ന് സ്റ്റേ​റ്റ് സെ​ക്ര​ട്ട​റി മൈ​ക് പോം​പി​യോ​ക്ക് ട്രം​പ് നി​ർ​ദേ​ശം ന​ൽ​കി.

അ​ല​ബാ​മ സ്വ​ദേ​ശി​യാ​യ ഇ​രുപ​ത്തി​നാ​ലു​കാ​രി ഹു​ഡ മു​ത്താ​ന​യ്ക്കു യു​എ​സ് പൗ​ര​ത്വ​മി​ല്ലെ​ന്നും അ​തി​നാ​ൽ രാ​ജ്യ​ത്ത് അ​നു​വ​ദി​ക്കി​ല്ലെ​ന്നും പോം​പി​യോ പി​ന്നീ​ട് അ​റി​യി​ച്ചു. അ​ല​ബാ​മ​യി​ൽ ജ​നി​ച്ചു​വ​ള​ർ​ന്ന മു​ത്താ​ന ഇ​രു​പ​താം വ​യ​സി​ലാ​ണ് സി​റ​യ​യി​ലേ​ക്കു ​പോ​യ​ത്. തു​ർ​ക്കി​യി​ലെ സ​ർ​വ​ക​ലാ​ശാ​ല​യി​ൽ പ​രി​പാ​ടി​യി​ൽ പ​ങ്കെ​ടു​ക്കാ​ൻ ​പോ​കു​ന്നെ​ന്ന് വീ​ട്ടി​ൽ അ​റി​യി​ച്ചാ​ണ് മു​ത്താ​ന സി​റ​ിയ​ക്ക് വ​ണ്ടി​ക​യ​റി​യ​ത്.

ട്രം​പ് ഭ​ര​ണ​കൂ​ട​ത്തി​ന്‍റെ ന​ട​പ​ടി നി​യ​മ​വി​രു​ദ്ധ​മാ​ണെ​ന്ന് മു​ത്താ​ന​യു​ടെ കു​ടും​ബ​ത്തി​ന്‍റെ അ​ഭി​ഭാ​ഷ​ക​ൻ പ​റ​ഞ്ഞു. അ​മേ​രി​ക്ക​ൻ പൗ​ര​ൻ​മാ​രു​ടെ പൗ​ര​ത്വം ഇ​ല്ലാ​താ​ക്കാ​ൻ സ​ർ​ക്കാ​ർ ശ്ര​മി​ക്കു​ക‍​യാ​ണ്. മു​ത്താ​ന യു​എ​സ് പൗ​ര​യാ​ണ്. അ​വ​ർ​ക്ക് നി​യ​മ​സാ​ധു​ത‍​യു​ള്ള യു​എ​സ് പാ​സ്‌പോ​ർ​ട്ട് ഉ​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ