Latest News
UEFA EURO 2020: കരുത്തന്മാരുടെ പോരാട്ടത്തില്‍ ഫ്രാന്‍സ്
സംസ്ഥാനത്ത് ലോക്ക്ഡൗണ് ഇളവുകള്‍ നാളെ മുതല്‍
സംസ്ഥാനത്ത് മഴ ശക്തം; ജലനിരപ്പ് ഉയരുന്ന പ്രദേശങ്ങളില്‍ ജാഗ്രതാ നിര്‍ദേശം
കോവിഡ് മരണങ്ങളില്‍ 21 ശതമാനവും തിരുവനന്തപുരത്ത്
രാജ്യത്ത് 62,224 പുതിയ കേസുകള്‍; 2,542 മരണം

മുസ്‌ലിം രാജ്യങ്ങളിലെ പൗരന്മാർക്ക് വിലക്ക്: ട്രംപിന് കനത്ത തിരിച്ചടിയായി കോടതി വിധി

കുടിയേറ്റമെന്നത്​ പ്രസിഡന്റിന്റെ ‘വൺ മാൻ ഷോ’ക്കുള്ള വിഷയമല്ലെന്ന്​ സുപ്രീം കോടതി ചൂണ്ടിക്കാട്ടി

Donald Trump, US, US President

വാഷിങ്ടൺ: ആറ് മുസ്‌ലിം രാജ്യങ്ങളിലെ പൗരന്‍മാര്‍ക്കും അഭയാര്‍ഥികള്‍ക്കും യാത്രാവിലക്ക് ഏര്‍പ്പെടുത്തിയ ഡൊണാള്‍ഡ് ട്രംപിന്റെ ഉത്തരവിന് സുപ്രീംകോടതിയിലും തിരിച്ചടി. ഉത്തരവ് റദ്ദാക്കിയ ഹവായ് സ്റ്റേറ്റിന്റെ നടപടി സുപ്രീംകോടതി ശരിവെച്ചു. വിധി അംഗീകരിക്കില്ലെന്ന് യുഎസ് അറ്റോര്‍ണി ജനറല്‍ ജെഫ് സെഷന്‍സ് അറിയിച്ചിട്ടുണ്ട്.

മൂന്ന്​ ജഡ്​ജിമാരടങ്ങുന്ന ​ബെഞ്ചി​ന്റേതാണ്​ ​ഏകകണ്​ഠ തീരുമാനം. ട്രംപിനെതിരെ രൂക്ഷ വിമർശനം നടത്തിയ സുപ്രീം കോടതി, കുടിയേറ്റമെന്നത്​ പ്രസിഡന്റിന്റെ ‘വൺ മാൻ ഷോ’ക്കുള്ള വിഷയമല്ലെന്ന്​ ചൂണ്ടിക്കാട്ടി. അതേസമയം, രാജ്യത്തേക്ക്​ വരുന്നവരെ പരിശോധിക്കുന്ന നടപടിക്രമങ്ങളിൽ പരിഷ്​കാരം വരുത്താൻ സർക്കാറിന്​ അവകാശമുണ്ടെന്നും​ കോടതി പറഞ്ഞു.

ഇറാന്‍, സിറിയ, സൊമാലിയ, ലിബിയ,സുഡാന്‍, യമന്‍ എന്നീ ആറ് രാഷ്ട്രങ്ങളിലെ പൗരന്‍മാര്‍ക്കും അഭയാര്‍ഥികള്‍ക്കും പ്രവേശനം വിലക്കുന്ന ഡൊണള്‍ഡ് ട്രംപിന്റെ രണ്ടാമത്തെ ഉത്തരവിലാണ് സുപ്രീംകോടതിയുടെ നടപടി. ഉത്തരവ് നടപ്പാക്കേണ്ടെന്ന ഹവായ് സ്റ്റേറ്റിന്റെ തീരുമാനത്തിനെതിരെ ട്രംപ് ഭരണകൂടം നല്‍കിയ അപ്പീലാണ് കോടതി തള്ളിയത്. നിലവിലെ കുടിയേറ്റ നിയമങ്ങള്‍ ലംഘിക്കുന്നതാണ് ഉത്തരവെന്ന ഹവായുടെ നിലപാട് സുപ്രീംകോടതി ശരിവെച്ചു. ഇതേ നിലപാട് സ്വീകരിച്ച മാരിലാന്‍ഡ് കോടതി വിധിക്കെതിരായ അപ്പീല്‍ കോടതി പരിഗണിക്കാനുണ്ട്.

വെർജീനിയയിലെ നാലാം സർക്യൂട്ട്​ അപ്പീൽ​ കോടതി ട്രംപി​​ന്റെ ഉത്തരവ്​ തടഞ്ഞ മേരിലാൻഡ്​കോടതിവിധി ശരി​വെച്ചിരുന്നു. കീഴ്​കോടതികളി​ലെ പരാമർശങ്ങൾ ട്രംപിന്​ തിരിച്ചടിയാണെങ്കിലും ഉത്തരവിനെ ബാധിക്കില്ല. സുപ്രീംകോടതിയുടേതായിരിക്കും അന്തിമ തീരുമാനം. എന്നാൽ, ​കീഴ്​കോടതി പരാമർശങ്ങൾ സുപ്രീംകോടതി വിധിയെ സ്വാധീനിക്കാനിടയുണ്ടെന്നാണ്​ സൂചന.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Trump gets another travel ban defeat

Next Story
അതിര്‍ത്തിയില്‍ വീണ്ടും പാക് പ്രകോപനം; ഇന്ത്യന്‍ സൈന്യം തിരിച്ചടിക്കുന്നുindian army, bsf,Kashmir, Militants, Hizbul Mujahidheen, Sabzar ahamed Bhatt, Indian Army, ഇന്ത്യൻ ആർമി, പട്ടാളം, ഹിസ്ബുൾ മുജാഹിദ്ദീൻ, സബ്സർ അഹമ്മദ് ഭട്ട്
The moderation of comments is automated and not cleared manually by malayalam.indianexpress.com